რუსეთის დუმის ფრაქცია „ედინაია რასია“ დღეს აპირებს დააყენოს საკითხი საქართველოდან ღვინისა და წყლის შეტანაზე აკრძალვასთან დაკავშირებით, - ამის შესახებ ფრაქციის თავმჯდომარემ და დუმის ვიცე-სპიკერმა სერგეი ნევეროვმა განაცხადა. ინფორმაციას Tass ავრცელებს.

ამასთან, ნევეროვის განცხადებით, დუმაში დააყენებენ საკითხს, რომელიც საქართველოში ფულადი გზავნილების შეწყვეტას შეეხება. 

„ჩვენ ვხედავთ, რომ საქართველოში, ისევ რუსოფობიული განწყობებია, რაც რუსეთის მოქალაქეებს საფრთხეს უქმნის. ვხედავთ, ზოგიერთი ელემენტი როგორ ესხმის თავს ჩვენ ტურისტებს, აჩერებენ მათ და „გეორგიევსკის ლენტებს“ ახევენ. ამ პირობებში, რა თქმა უნდა, მივიჩნევთ, რომ მსგავსი ქმედებები დაუშვებელია. დღეს, სახელმწიფო დუმის საბჭოზე დავაყენებთ საკითხს საქართველოდან ღვინის და წყლის შემოტანისა, აგრეთვე საქართველოში ფულადი გზავნილების აკრძალვის შესახებ“ , - განაცხადა სერგეი ნევეროვმა.

რუსი დეპუტატის განმარტებით, ეს ზომები საჭიროა იმასთვის, რომ იმ არამეგობრულ ქმედებებს, რომლებიც რუსეთის მოქალაქეთა მიმართ ხდება, ადეკვატური შეფასება მიეცეს.

"მგონია, რომ კოლეგები სხვა ფრაქციებიდან ჩვენს ინიციტივას მხარს დაუჭერენ", - დასძინა მან. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში