„ევროპულმა საქართველომ“ პარლამენტში დადგენილება დაარეგისტრირა, რომლითაც შინაგან საქმეთა მინისტრის, გიორგი გახარიას გადადგომას ითხოვს.

ამის შესახებ პარტიის წევრმა სერგი კაპანაძემ განაცხადა:

„ეს დადგენილება, რომელიც ჩვენ 21 ივნისს დავარეგისტრირეთ, გარკვეულწილად არის ლაკმუსის ტესტი იმ არაადეკვატურობის, რომელსაც ქართული ოცნება იჩენს. პირველი რეაქცია მათი იყო, რომ თურმე 19-ში უნდა დაგვერეგისტრირებინა, ანუ 20 ივნისამდე, რომ განხილვა მოსწრებულიყო. მეორე რეაქცია იყო რომ სექტემბერში უნდა განგვეხილა. და მესამე რეაქცია გუშინ ბიუროზე იყო, რომ იმდენად მნიშვნელოვანი საკითხებით არის დაკავებული და სხვა პრიორიტეტები გააჩნია იურიდიულ კომიტეტს, რომ შეიძლება ვერ მოესწროს რიგგარეშ სესიაზე  განხილვა. ეს ყველაფერი მეტყველებს იმაზე, რომ ქართული ოცნება ჯერ კიდევ მოწყვეტილია რეალობას და ხალხს.

რაც შეეხება გახარიას პასუხისმგებლობის საკითხს, ის არ განელებულა და არც განელდება. ამას აჩვენებს ის, რომ უკვე 2 კვირაა პროტესტი გრძელდება. ხალხი ითხოვს გახარიას გადადგომას და ის უნდა წავიდეს. იმიტომ, რომ  ესროლა თავის თანამოქალაქეებს და მოუწყო გავრილოვის ღამე, არ შეიძლება რომ დარჩეს თანამდებობაზე, ამიტომ ადრე თუ გვიან მოუწევთ ამ გადაწყვეტილების მიღება“, - განაცხადა სერგი კაპანაძემ.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში