ჩვენი მხრიდან პროპორციულ საარჩევნო სისტემას მაქსიმალური მხარდაჭერა ექნება, თუმცა ოპოზიციის მხარდაჭერაც დაგვჭირდება, - ამის შესახებ პარლამენტის ვიცე-სპიკერმა თამარ ჩუგოშვილმა ჟურნალისტებს სასტუმრო „შერატონში“ განუცხადა, სადაც „ქართული ოცნების“ საკონსტიტუციო ინიციატივის „პროპორციული არჩევნები 2020“ პრეზენტაცია მიმდინარეობს.

ჩუგოშვილი აცხადებს, რომ გუნდში გადაწყვეტილება უკვე მიღებულია, თუმცა არ გამორიცხავს, „ოცნების“ ზოგიერთმა დეპუტატმა საკითხს მხარი არ დაუჭიროს.

 „ჩვენ გადავწყვიტეთ, რომ ძალაუფლების დეცენტრალიზაცია არის საზოგადოების ინტერესებში. ჩვენი პოლიტიკური ძალის დამოკიდებულება არის და ჩვენ ამაზე გვქონდა საუბარი, ეს არის გუნდის გადაწყვეტილება და მაქსიმალურად ყველა ადამიანმა, რომელიც არის უმრავლესობის წევრი, ამას უნდა დაუჭიროს მხარი. მე ვერ გამოვრიცხავ, რომ იყოს რამდენიმე ადამიანი, რომელმაც შეიძლება არ შეცვალოს პოზიცია და არ დაუჭიროს ამას მხარი, მაგრამ ეს შეიძლება იყოს სულ ორი სამი, მეტი არ წარმომიდგენია. ის, რომ მასობრივად მაჟორიტარების მხრიდან ამ ინიციატივისთვის მხარის დაჭერა არ მოხდეს, მე ამას გამოვრიცხავ. ჩვენი მხრიდან იქნება მაქსიმალური მხარდაჭერა ამ ინიციატივის მიმართ, მაგრამ სრული მხარდაჭერის პირობებშიც კი, ქართულ ოცნებას არ აქვს საკონსტიტუციო უმრავლესობა, შესაბამისად, დაგვჭირდება ოპოზიციის მხარდაჭერაც“, - განაცხადა თამარ ჩუგოშვილმა.

ავტორი: ექსპრესნიუსი,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში