„ოცნება“ არ იყენებს რეზინის ტყვიებს, ეს არ არის ჩვენი ხელწერა, - ამის შესახებ პრემიერ-მინისტრმა, მამუკა ბახტაძემ ჟურნალისტებს განუცხადა.

როგორც პრემიერმა აღნიშნა, რეზინის ტყვიებს წინა ხელისუფლება იყენებდა მხოლოდ.

მისივე თქმით, მიმდინარე გამოწვევას ხელისუფლება ღირსეულად დაძლევს.

„მე მსურს ხაზი გავუსვა კიდევ ერთ მტკიცებულებას, რატომ არის ეს პროვოკაცია. თქვენ თვითონ შეგიძლიათ, ნახოთ სოციალურ ქსელებში თუ „ნაციონალური მოძრაობის“ მიერ მართულ მედიაში, რა ინფორმაციები ვრცელდება, რომ ჩვენ ვიყენებთ რეზინის ტყვიებს, სხვადასხვა ტიპის გაზს და ა.შ. მეგობრებო ეს „ქართული ოცნების“ ხელწერა არასდროს არ ყოფილა და არც არასდროს არ იქნება, როდესაც ჩვენ ვსაუბრობთ ჩვენს მშვიდობიან მოქალაქეებზე. ეს იყო ერთადერთი ადამიანის მიხეილ სააკაშვილის ხელწერა რითაც ის დაამახსოვრდა ქართულ საზოგადოებას. ეს არის კიდევ ერთი ნიშანი, რომ ის დეზინფორმაციის კამპანია რაც დღეს მიმდინარეობს, რაც უსწრებდა დღევანდელ დღეს, ეს ყველაფერი არის საერთო პროვოკაციის ნაწილი. მე მინდა, დავარწმუნო საქართველოს თითოეული მოქალაქე, რომ მეგობრებო, ჩვენ თქვენთან ერთად  ამ გამოწვევას ღირსეულად გავუმკლავდებით ისე, რომ ქართული სახელმწიფო ქართული დემოკრატია გამოვიდეს კიდევ უფრო გაძლიერებული“, - განაცხადა მამუკა ბახტაძემ.

აღსანიშნავია, რომ გუშინ რუსთევლზე მიმდინარე აქციის დროს ათობით მოქალაქე დაზინდა, რამდენიმე მათგანმა თვალი დაკარგა და ზოგს ქირურგიული ჩარევაც კი დასჭირდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში