გერმანიის ელჩი: მოვუწოდებ ყველა მონაწილეს, არ მიმართონ ძალადობას და ყველა საჭირო საკითხი დღის შუქზე განიხილონ

2019-06-21 00:21:52, 949 ნახვა

პოლიტიკა

საქართველოში გერმანიის ელჩი ჰუბერტ ქნირში პარლამენტის წინ მიმდინარე მოვლენებს ეხმაურება.

"ჩვენ დიდი შეშფოთებით ვადევნებთ თვალყურს სიტუაციის დაძაბვას დღეს საღამოს საქართველოს პარლამენტის წინ. მოვუწოდებ ყველა მონაწილეს, დაიცვან სიმშვიდე, არ მიმართონ ძალადობას და ყველა საჭირო საკითხი დღის შუქზე განიხილონ", - განაცხადა ელჩმა.

ცნობისთვის, პარლამენტის მიმდებარე ტერიტორიაზე ვითარება უკიდურესად დაძაბულია. სპეცრაზზმა საპროტესტო აქციის დაშლა დაიწყო. მოქალაქეების წინააღმდეგ ცრემლსადენი გაზი და რეზინის ტყვიები გამოიყენეს, რის შედეგადაც ათობით ადამიანი დაშავდა. ადგილზე სასწრაფო დახმარების ეკიპაჟებია მობილიზებული.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან