2019-06-19 18:36:31, 1256 ნახვა
სამართალი
შსს-მ „თბილისი პრაიდის“ წარმომადგენლების მიმართ მუქარის შემცველ შეტყობინებებზე გამოძიება დაიწყო
შინაგან საქმეთა სამინისტრომ „თბილისი პრაიდის“ წარმომადგენლების მიმართ მუქარის შემცველ შეტყობინებებზე გამოძიება დაიწყო
როგორც „ექსპრესნიუსს“ უწყებაში განუცხადეს, შინაგან საქმეთა სამინისტროს თბილისის პოლიციის დეპარტამენტში, სოციალურ ქსელში გავრცელებული ინფორმაციის საფუძველზე, რომელიც გიორგი თაბაგარისა და თამაზ სოზაშვილისადმი უცნობი პირების მხრიდან მუქარის შემცველი შინაარსის შეტყობინებების მიღებას შეეხება, გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს.
ცნობისთვის, დღეს „თბილისი პრაიდის“ ორ ორგანიზატორს სიცოცხლის მოსპობის შემცველი შეტყობინებიბი გაუგზავნეს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
