ევროსაბჭოს საპარლამენტო ასამბლეის მომხსენებლებმა „სამხრეთ ოსეთში“ ჩატარებულ ე.წ. არჩევნებს არალეგიტიმური უწოდეს

2019-06-12 14:58:08, 1304 ნახვა

პოლიტიკა

ევროსაბჭოს საპარლამენტო ასამბლეაში საქართველოს მონიტორინგის ჯგუფის მომხსენებლები ე.წ. სამხრეთ ოსეთში დე-ფაქტო საპარლამენტო არჩევნებთან დაკავშირებით განცხადებას ავრცელებენ.

აღსანიშნავია, რომ თანამომხსენებლები ტიტუს კორლატეანისი და კლოდ კერნისი 1-ელ და 2 ივლისს საქართველოს ეწვევიან.

"ჩვენ ვადასტურებთ სრულ მხარდაჭერას საქართველოს ტერიტორიული მთლიანობისა და სუვერენიტეტის მიმართ საქართველოს საერთაშორისოდ აღიარებულ საზღვრებში. ე.წ. სამხრეთ ოსეთის დე-ფაქტო საპარლამენტო არჩევნები, რომელიც გასულ კვირას გაიმართა, არ არის კანონიერი და ლეგიტიმური. ეს "არჩევნები" ხელს უშლის კონფლიქტის მშვიდობიანი გზით დარეგულირებას და ხალხის გაერთიანების ნაცვლად, მათ მხოლოდ აშორებს ერთმანეთისგან. ჩვენ შეგვიძლია მხოლოდ დავგმოთ ეს“, - აღნიშნულია მათ განცხადებაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან