9 ივნისს, თბილისში, მთაწმინდის (N1) მაჟორიტარულ საარჩევნო ოლქში საქართველოს პარლამენტის შუალედური არჩევნების მეორე ტური გაიმართება.

როგორც ცენტრალური საარჩევნო კომისიის პრესსპიკერმა ანა მიქელაძემ დღეს გამართულ ბრიფინგზე განაცხადა, მეორე ტურის ჩასატარებლად სრულ მზადყოფნაშია 31-ვე საარჩევნო უბანი, სადაც სულ 43 909 ამომრჩეველია რეგისტრირებული.

„არჩევნების მეორე ტურისათვის ამომრჩევლები ხმას აძლევენ იმავე საარჩევნო უბანზე, რომელიც მათთვის გაიხსნა 19 მაისის არჩევნებისთვის და სადაც ამომრჩევლებმა პირველ ტურში უკვე მიიღეს კენჭისყრაში მონაწილეობა. 9 ივნისის არჩევნებში მონაწილეობას იღებს ორი კანდიდატი: N13 - შალვა შავგულიძე; N41 - ვლადიმერ კახაძე.

არჩევნების დღეს ამომრჩევლები პარლამენტის მაჟორიტარი დეპუტატის ასარჩევად 1 საარჩევნო ბიულეტენს მიიღებენ. გარდა ამისა, შეზღუდული შესაძლებლობის მქონე ამომრჩევლებისათვის ყველა საარჩევნო უბანზე უზრუნველყოფილი იქნება შესაბამისი სერვისები.

არჩევნებისათვის 52 ადგილობრივი სადამკვირვებლო ორგანიზაციის 5 169 და 7 საერთაშორისო ორაგნიზაციის 53 დამკვირვებელია რეგისტრირებული. არჩევნების დღის გასაშუქებლად აკრედიტაცია გაიარა 45 მედია ორგანიზაციის 1919-მა წარმომადგენელმა. არჩევნებში მონაწილე ორი საარჩევნო სუბიექტის მიერ რეგისტრირებულია დაკვირვების უფლების მქონე 123 წარმომადგენელი.

9 ივნისს, დილის შვიდი საათიდან მთელი დღის განმავლობაში იმუშავებს ცენტრალური საარჩევნო კომისიის სატელეფონო საინფორმაციო ცენტრი: 2 51 00 51. ასევე იმუშავებს ონლაინ ჩატი. მოქალაქეებსა და ნებისმიერ დაინტერესებულ პირს, შეუძლია მოგვართონ და მიიღონ არჩევნებთან დაკავშირებული სხვადასხვა სახის ინფორმაცია. გარდა ამისა, ხვალ მთელი დღის განმავლობაში, ცესკო-ს მედია ცენტრში, საზოგადოების ინფორმირების მიზნით გაიმართება საინფორმაციო ბრიფინგები“, - აღნიშნა მიქელაძემ.

ავტორი: ექსპრესნიუსი,

სოციალური ქსელები

საგარეჯოში თანასოფლელმა ქორწილში მიმავალი ორი ძმა მოკლა, მესამემ თავს გაქცევით უშველა

თბილისის მერია - ე.წ. ცხოველთა დამცველები დაკავებულები არიან დესტრუქციული ქმედებებით - მოვუწოდებთ შესაბამის ორგანოებს, შეისწავლონ საქმე და მისცენ მას სამართლებრივი რეაგირება

კრიშტიანუ რონალდუმ ოფიციალურად დაასრულა სანაკრებო კარიერა

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო