„ჭიათურაში ჩვენ საქმე გვქონდა ეფექტურ მედიაციასთან, რაც განახორციელა სახელმწიფომ“, - ამის შესახებ ეკონომიკისა და მდგრადი განვითარების მინისტრმა, ნათია თურნავამ დარგობრივი ეკონომიკისა და ეკონომიკური პოლიტიკის კომიტეტის სხდომაზე განაცხადა.

როგორც მან აღნიშნა, გაფიცული მაღაროელები და დამსაქმებლები პროცესს პასუსიხმგებლობით მოეკიდნენ და შეთანხმება შედგა.

„უშუალოდ ვიყავი ჩართული ჭიათურის საკითხის გადაწყვეტაში. ჭიათურაში ჩვენ საქმე გვქონდა ეფექტურ მედიაციასთან, რაც განახორციელა სახელმწიფომ. ჩვენ ჩავერთეთ, როგორც მედიატორები, გაფიცულ მაღაროელებსა და დამსაქმებელს შორის. ჩავერთეთ იმ ეტაპზე, როდესაც მათ გარკვეული დრო გაატარეს, თავიანთი პოზიციების შეჯერებაში და ჩვენ დავინახეთ, რომ ჭირს ბოლომდე კომუნიკაციის დამყარება და გაჩნდა ნამდვილად საჭიროება, რომ ჩვენ, მე და ჩემი კოლეგები ჩავსულიყავით უშუალოდ და მიგვეღო მონაწილეობა მედიაციაში, რაც დასრულდა კონსენსუსით და ეს არის წარმატებული მაგალითი მედიაციის.

სახელმწიფო, როგორც წესი, ასეთი ტიპის დავების დარეგულირებაში არ უნდა ერთვებოდეს. თუმცა გავითვალისწინეთ რა,  ჭიათურა და ზესტაფონი არის უდიდესი სისტემის შემქმნელი კომპლექსი, ძალიან მნიშვნელოვანი დამსაქმებელი ჩვენთვის, გავითვალისწინეთ ისიც, რომ ჭიათურაში არის სახელმწიფოს მიერ წარგზავნილი დროებითი მმართველი და აქედან გამომდინარე რიგი საკითხები იყო ისეთი, სადაც ჩვენ ძალიან მომთხოვნები ვართ ამ ინვსეტორთანაც და სხვა ინვესტორების მიმართ. კერძოდ, რაც შეეხება შრომის ღირსეულ პირობებს, აქედან გამომდინარე ჩავერთეთ მედიაციაში. ის, რომ შედგა კონსენსუსი, ეს შესაძლებლად გახადა, ორივე მხარის პასუხისმგებლიანმა მიდგომამ. მე ვგულისხმობ კომპანიას და მაღაროელებს. ძალიან დიდი პასუხისმგებლობით მოეკიდნენ ამ პროცესს და შედგა შეთანხმება.

ზოგადად, ჩვენი პოზიცია ასეთი მსხვილი დამსაქმებელი საწარმოების მიმართ ისეთი, რომ პრიორიტეტი ყოველთვის მიენიჭება შრომის ღირსეულ პირობებს და დასაქმებულების ინტერესების დაცვას. თუმცა ისევ ვამბობ, რომ ჩვენი ჩარევები უნდა იყოს ძალიან დოზირებული. ჩვენ უნდა მივცეთ საშუალება კერძო ბიზნესს და ჩვენ ვაშენებთ ეკონომიკისაც კერძო ინვესტიციაზე დაფუძნებით, თვითონ ისწავლოს საკუთარ დასაქმებულებთან საუბარი და არ დაუშვას მსგავსი ტიპის ექსესები“, - განაცხადა ეკონომიკის მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ადმინისტრაცია ადასტურებს, რომ მიხეილ ყაველაშვილი ირანში აიათოლა ალი ხამენეის დაკრძალვის ცერემონიალს დაესწრება

გახარიას პარტიამ პარლამენტში ჩხუბზე გამოძიების მოთხოვნით პროკურატურას მიმართა

„თეგეტამ“ საგზაო-სამშენებლო სექტორის წარმომადგენლებს ბიზნესის მხარდაჭერის კონცეფცია გააცნო

დიდი ბრიტანეთი თავდაცვის ბიუჯეტს დამატებით 15 მილიარდი გირვანქით ზრდის