სააპელაციო სასამართლომ მოზარდების მკვლელობის საქმეზე მსჯავრდებულ არასრულწლოვნებს - გ.ჯ.-ს და გ.ბ.-ს პატიმრობის ვადა გაუხანგრძლივა.

სასამართლოს გადაწყვეტილებით, ორივე არასრულწლოვანს 11 წლითა და 3 თვით თავისუფლების აღკვეთა განესაზღვა.

„დღეს, 2019 წლის 3 ივნისს, თბილსის სააპელაციო სასამართლოში დასრულდა სააპელაციო საჩივრების განხილვა 2017 წლის პირველ დეკემბერს თბილისში, ხორავას ქუჩაზე მომხდარი მკვლელობის საქმეზე. სასამართლომ განაჩენი არასრულწლოვან გ.ბ.-ს მიმართ კვალიფიკაციის ნაწილში დატოვა უცვლელი, თუმცა დაუმძიმა სასჯელი და არასრულწლოვანთა მართლმსაჯულების კოდექსის თანახმად, საბოლოოდ განუსაზღვრა თავისუფლების აღკვეთა 11 წლისა და 3 თვის ვადით. რაც შეეხება, არასრულწლოვან გ.ჯ.-ს სააპელაციო სასამართლომ ნაწილობრივ გაიზიარა ბრალების მხარის არგუმენტაცია და საქმეში არსებული მტკიცებულებების საფუძველზე დაადგინა შემდეგი: 2017 წლის 1 დეკემბერს, თბილისში, არასრულწლოვან დავით სარალიძის განზრახ მკვლელობა ჩაიდინა გ.ჯ.-მ ჯგუფურად დაუდგენელ პირთან, სხვა პირთან ერთად. გ.ჯ.-ს არასრულწლოვანთა მართლმსაჯულების კოდექსის თანახმად, საბოლოოდ განუსაზღვრა თავისუფლების აღკვეთა 11 წლისა და 3 თვის ვადით. განაჩენი შესძლებელია გასაჩვრდეს უზენაეს სასამართლოში ერთი თვის ვადაში“, - ნათქვამია სასამართლოს განცხადებაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა