ცესკო თინა ბოკუჩავას უბნიდან გაძევებაზე: ის არ არის უფლებამოსილი საარჩევნო უბანზე იმყოფებოდეს

2019-05-19 22:12:35, 1036 ნახვა

პოლიტიკა

ცენტრალურ საარჩევნო კომისიაში ზუგდიდის მე-9 საარჩევნო უბნიდან "ნაციონალური მოძრაობის" დეპუტატის ტინა ბოკუჩავას გამოძევების ფაქტს ეხმაურებიან.

ცესკო-ში დეპუტატის უბნიდან გაძევების მიზეზებს განმარტავენ:

„კანონმდებლობა ითვალისწინებს წარმომადგენლობის უფლების განხორციელებას, ანუ საარჩევნო კანონმდებლობით არის დეტალურად გაწერილი წარმომადგენლის, საარჩევნო სუბიექტის უფლება-მოვალეობანი. თავისი წესები აქვს ამ წარმომადგენელს და შესაბამისად რეგულირდება. რაც შეეხება თინა ბოკუჩავას, ის რეგისტრირებულია როგორც წარმომადგენელი ცენტრალურ საარჩევნო კომისიაში. საარჩევნო კანონმდებლობის თანახმად, ის თავის დამნიშნავ სუბიექტს წარმოადგენს ცესკოსთან ურთიერთობაში და ამდენად, ის არ არის უფლებამოსილი იმყოფებოდეს საარჩევნო უბანზე. შესაბამისად, ეს არის საკანონმდებლო მოთხოვნა და ამის გამო მოუხდა მას უბნის დატოვება“, - აღნიშნა ანა მიქელაძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,