2015-06-29 12:23:40, 669 ნახვა
ეკონომიკა
სახელმწიფო ბიუჯეტის კორექტირებული ვარიანტი პარლამენტში ჯერ არ შესულა
2015 წლის სახელმწიფო ბიუჯეტის კორექტირებული ვარიანტი მთავრობას პარლამენტისთვის ჯერ არ წარუდგენია.
თუმცა საბიუჯეტო ცვლილებების პროექტის წარდგენას პარლამენტში დღეს ელოდებიან.
დოკუმენტის გადაგზავნის შემთხვევაში, მას ბიუროს სხდომაზე განიხილავენ, რის შემდეგაც უკვე მასზე მსჯელობა კომიტეტებში დაიწყება.
როგორც საპარლამენტო უმრავლესობაში განმარტავენ, მცირდება ბიუჯეტის ხარჯვითი ნაწილი, თუმცა ეს არ ეხება სოციალურ და კაპიტალურ ხარჯებს. საპარლამენტო უმცირესობის შეფასებით კი ბიუჯეტში კორექტივების შეტანა უკვე დაგვიანებულია და ეს ცვლილება ეკონომიკური სტაბილურობის მისაღწევად საკმარისი არ იქნება. სახელმწიფო ბიუჯეტის შემცირება 140 მილიონი ლარით იგეგმება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
