პარლამენტის დამოუკიდებელი დეპუტატი ლევან გოგიჩაიშილი კონკურენციის სააგენტოს ხელმძღვანელს, ნოდარ ხადურს პარლამენტში იბარებს.

დეპუტატის განცხადებით, საქმე ეხება დედაქალაქში არსებულ გარერეკლამებს, რომელზეც ერთ-ერთ კომპანიას მონოპოლია აქვს.

„ჩემი განცხადება ეხება თბილისში, გარერეკლამის მონოპოლიას 20 წლის განმავლობაში, როგორც ბილბორდებს, ასევე მეტროებს, ტაქსებს, ლაითბოქსებს, ავტობუსებზე გასათავსებელ რეკლამას. აქ არის ერთი დეტალი მნიშვნელოვანი, რომელმაც უნდა მიიქციოს კონკურენციის სააგენტოს ყურადღება. ეს ის ჯგუფია ბატონო ირაკლი, რომელსაც თქვენ ლობირებდით იმისთვის, რომ აზარტული თამაშების რეკლამა ჩავარდნილიყო, ეს ის ჯგუფია, რომელსაც სავარაუდოდ ლობიერბს ქალაქის მერია, რომელმაც ყოველგვარი გამოკვლევების გარეშე, მას მისცა 20 წლიანი მონოპოლია, რომ განათავსოს რეკლამები, თითქოს ვიღაცას რაღაც ეკუთნოდეს ან მემკვიდრეობთ ჰქონდეს მიღებული. მაშინ, როდესაც მერიას არ აქვს ინფორმაცია, რამდენი კვადრატული გარერეკლამა არის ზოგადად ქალაქში და სავარაუდოდ, ხდება ძალიან დიდი თანხების ბიუჯეტისთვის დამალვა. მინდა ვისარგებლო ამ ტრიბუნით და მივმართო კონკურენციის სააგენტოს ხელმძღვანელს, ბატონ ნოდარ ხადურს და ვთხოვო მას მობრძანდეს პარლამენტში. ბუნებრივია, სასურველი იქნება ეს იყოს ეკონომიკის კომიტეტი, იმიტომ რომ ფუნქციურად მაინც ეკონომიკის კომიტეტს ეკუთვნის. თუ ის უარს განაცხადებს, შეგვიძლია ნებისმიერ ფორმატში მას დაველაპარაკოთ და მოვითხოვოთ რეალურად რასთან გვაქვს საქმე“, - განაცხადა ლევან გოგიჩაიშვილმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს