პანკისის ხეობის უცუხესი ხასო ხანგოშვილი აცხადებს, რომ ჰესის მშენებელი კომპანია ადგილობრივ მოსახლეობას მისაღებ პირობებს სთავაზობდა, – ამის შესახებ მან საქართველოს პირველ არხთან სატელეფონო საუბრისას განაცხადა. მისი თქმით, ხეობაში საქმე ამ დონემდე არ უნდა მისულიყო.

„პანკისის ხეობაში არსებული ვითარება ძალიან მძიმე საყურებელია. აქამდე არ უნდა მისულიყო ეს საქმე. როდესაც ვხვდებოდით მინისტრებს, გვქონდა ამაზე საუბარი. განვაცხადეთ, რომ მოსახლეობა არ იყო ინფორმირებული, ხელისუფლებამ ამ კუთხით არ ჩაატარა განმარტებები, რამდენად შესაძლებელია ჰესის მშენებლობა. ჩვენი პოზიცია ყოველთვის ერთი და იგივე იყო, თუ ეს სახელმწიფოს ინტერესებს ემსახურება და აუცილებლად გაკეთდება, მაშინ ხეობამ რაც შეიძლება მეტი სარგებელი უნდა მიიღოს. აგრესია იმან გამოიწვია, რომ ამდენი რაოდენობის სპეცდანიშნულების რაზმის შემოყვანა ვფიქრობ, არ იყო საჭირო. თუკი წინააღმდეგობა იქნებოდა, შეიძლებოდა დალაპარაკება ახალგაზრდებთან.

მეორე მხარემ, მაგალითად, ფირმის წარმომადგენლებმა წერილობითაც გაავრცელეს თავიანთი ძალიან მისაღები პირობები. ჩემი გაგებითა და ანალიზით, ფირმა ცალკე დარჩა და ხელისუფლება ცალკე. ამიტომ, ვფიქრობ, ვერ ჩაწვდა მოსახლეობა. ახლაც ამბობენ, რომ ერთი ფირმის გამო რატომ უნდა იყოს მთელ საქართველოსთან დაპირისპირება. ფირმა თავის საქმეს აკეთებს და ხელისუფლებას ახსნა-განმარტება უნდა გაეკეთებინა. სპეცრაზმის შემოყვანამ ნამდვილად გამოიწვია აგრესიული განწყობა“, – აღნიშნა ხასო ხანგოშვილმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს