ბუტაფორია მინისტრების გადაადგილებით არაფერი იცვლება, მაგრამ ხანდახან ბუტაფორია მზიან ადგილზე რომ დადგა, შესაძლოა სხივები დაგიჩრდილოს, - ამ სიტყვებით ენმ-ს წევრი, რომან გოცირიძე ეკონომიკის ყოფილი მინისტრის გიორგი ქობულიას თანამდებობიდან გათავისუფლებას გამოეხმაურა.

როგორც დეპუტატმა აღნიშნა, ქობულიასთაან ერთად კიდევ ორი მინისტრი დაინიშნა, თუმცა ისინი თანამდებობებზე რჩებიან, ქობულია კი ბიძინა ივინიშვილის დავალებებს არ ასრულებდა.

„მინისტრები ივანიშვილის ხელში ბუტაფორიები არიან, ბუტაფორიების გადაადგილებით არსებითად არაფერი იცვლება, მაგრამ ხანდახან ბუტაფორიაც კი რაღაცას ხელს უშლის, მზიან ადგილზე რომ დადგა, შესაძლოა მზის სხივები დაგიჩრდილოს. როგორც ჩანს, ქობულიამ ივანიშვილს სადღაც გადაურბინა. როგორც ამბობენ, ის ყველა მის დავალებას არ ასრულებდა, სხვა მინისტრებისგან განსხვავებით, რომლებიც მთავრობაში დატოვა. ფინანსთა სამინისტროში გაცილებით უარესი მდგომარეობაა, რომელსაც ეკონიმიკის მართვის რეალური ბერკეტები აქვს. ეკონომიკის სამინისტრო თავისი ფუნქციებიდან გამომდინარე მაინც მეორეხარისხოვანია. განათლების მინისტრი მასთან ერთად დაინიშნა და ხედავთ, განათლების სისტემაში როგორი სკანდალებია. მაგრამ სამი ახალი დანიშნულიდან ორი დატოვა, ერთი გაუშვა. ეკონომიკაში საქმე ცუდადაა, მაგრამ ეს მარტო ერთ მინისტრზე დამოკიდებული არ არის. ეს ივანიშვილის მმართველობის შედეგია“, - აღნიშნა რომან გოცირიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს