ისტორიულად, პოლიტიკურად, კულტურულად, რელიგიურად ჩვენ დიდი კავშირები გვაქვს, - ამის შესახებ კვიპროსის პრეზიდენტმა ნიკოს ანასტასიადისმა საქართველო-კვიპროსის ბიზნესფორუმზე სიტყვით გამოსვლისას განაცხადა.

როგორც კვიპროსის პრეზიდენტმა აღნიშნა, ასეთი შეხვედრები საქართველოს და კვიპროსს შორის ეკონომიკური თანამშრომლობის განვითარების შესაძებლობას იძლევა.

ამასთან, მისივე განცხადებით, საქართველოსა და კვიპროსს შორის საქმიანი ურთიერთობის გაღრმავების შანსები არსებობს, ამიტომ ორივე ქვეყანამ ყველაფერი უნდა გააკეთოს იმისთვის, რომ ეს შესაძლებლობები გამოიყენოს.

ეს არის შესანიშნავი შანსი, იმისათვის, რომ ჩვენმა მეწარმეებმა ერთმანეთს გაუზიარონ თავიანთი შესაძლებლობები და გამოიყენონ ეს შესაძლებლობები.საქართველოს და კვიპროსს შორის განსაკუთრებული, დიდი ხნის ურთიერთობა არსებობს და მინდა გითხრათ, რომ ისტორიულად, პოლიტიკურად, კულტურულად, ასევე რელიგიურად ჩვენ ძალიან დიდი კავშირები გვაქვს. რა თქმა უნდა, ეს კავშირები წლების, საუკუნეების განმავლობაში ღრმავდებოდა. ჩვენ ძალიან ვუფრთხილდებით და დიდ პატივს ვცემთ ამ ურთიერთობას და ვიმედოვნებთ, რომ ის კიდევ უფრო გაღრმავდება. ჩემი ვიზიტი საქართველოში ისტორიულია. ეს არის კვიპროსის პრეზიდენტის პირველი ვიზიტი და მიმაჩნია, რომ ის იქნება ქვაკუთხედი ისტორიული, კულტურული, პოლიტიკური, ეკონომიკური ჩართულობის ორ ქვეყანას შორის. რა თქმა უნდა, ჩვენი ურთიერთობა უნდა გაძლიერდეს, მაგრამ ამავდროულად ის უნდა გაუმჯობესდეს ხარისხობრივადაც. არის მთელი რიგი მემორანდუმები, ხელშეკრულებები, იგივე სოფლის მეურნებობის სფეროში, კლასიფიცირებული ინფორმაციის სფეროში, ასევე ეკონომიკური ურთიერთობების განვითარების სფეროში, საქონლის, პროდუქტის, სერვისების გაცვლის სფეროში ჩვენს ორ ქვეყანას შორის. იმიასათვის, რომ ჩვენ თავიდან ავირიდოთ ორმაგი დაბეგვრა საქართველოსა და კვიპროსს შორის, მათ ბიზნეს ასოციაციებს შორის, რა თქმა უნდა, არის მისასალმებელი. ასეთი შეხვედრები საქართველოს და კვიპროსს შორის ეკონომიკური თანამშრომლობის განვითარების შესაძებლობას იძლევა. ის ამჟღავნებს ახალ შესაძლებლობებს, ახალ ბაზრებს ჩვენი ბიზნესის წარმომადგენლებისთვის. ჩვენ შეგვიძლია ახალი, არსებითი ინვესტიციების შესახებ ვიფიქროთ იგივე ტელეკომუნიკაციის სფეროში, ტურიზმის, საბანკო სფეროში და სხვა. ეს ხელსაყრელი მდგომარეობა ჩვენ საშუალებას გვაძლევს გამოვიყენოთ ანგლოსაქსური გარკვეული მემკვიდრეობა. ამასთან, გეოგრაფიული მდგომარეობა საშუალებას გვაძლევს, რომ ხელმისაწვდომობა იყოს არა მხოლოდ ევროპულ, არამედ ჩრდილოეთ აფრიკის ბაზრებზე, ასევე ახლო აღმოსავლეთზე, აზიის ბაზრებზე.

მინდა ხაზგასმით აღვნიშნო, რომ ურთიერთობა ჩვენს ბიზნესწრეებს შორის არის ძალზედ მნიშვნელოვანი. ეს არის პროგრესული ნაბიჯი ევროკავშირისა და საქართველოს წინსვლისა. ვიზალიბერალიზაცია, ღრმა და ყოვლისმომცველი სავაჭრო შეთანხმება - ეს ყველაფერი ეხმარება როგორც პოლიტიკურ გაერიანებებს, ეკონომიკურ ინტეგრაციას, ასევე ადამიანთაშორის ურთიერთობას და საბოლოოდ, ევროკავშირსა და საქართველოს შორის ურთიერთობას, რაც თავისთავად ჩვენი ქვეყნების კიდევ უფრო დაახლოებას გულისხმობს. აუცილებელია, ყველაფერი გავაკეთოთ, რომ თქვენი ბიზნესგეგმები და ინიციატივები ხორცშესხმული იყოს. არსებობდეს მდგრადი განვითარება როგორც საქართველოში, ასევე კვიპროსში. ეკონომიკური პარტნიორობის მიმართულებით ჩვენ შეგვიძლია ბევრი საინტერესო ინიციატივები გამოვკვეთოთ და შევძლოთ კვლავ გავაღრმაოთ ჩვენი სამომავლო თანამშრომლობა“, - განაცხადა ნიკოს ანასტასიადისმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს