ჩვენ გუშინ კიდევ ერთხელ მოვისმინეთ ბიძინა ივანიშვილისგან გულწრფელი შეფასება, პოლიტიკური შეფასება მათ შორის, საქართველოში არსებულ პოლიტიკურ გარემოსთან დაკავშირებით, იმ გამოწვევებზე, რომელიც გვაქვვს ქვეყანაში და ამავე დროს, იმ ეროვნულ ინტერესებთან დაკავშირებით, რომელიც უნდა აერთიანებდეს თითოეულ საქართველოს მოქალაქეს და პოლიტიკურ ძალას, - ამის შესახებ საქართველოს პრემიერ-მინისტრმა მამუკა ბახტაძემ „ქართული ოცნების" თავმჯდომარის, ბიძინა ივანბიშვილის ინტერვიუს კომენტირებისას განაცხადა.

მთავრობის მეთაურის თქმით, მმართველ გუნდშ კონსულტაციები ყოველთვის მიმდინარეობდა და დღესაც მიმდინარეობს.

„ბუნებრივია, ჩვენ გუნდში ყოველთვის გვაქვს კონსულტაციები. იცით, რომ წარდგენილი გვაქვს ძალიან ამბიციური რეფორმათა პაკეტი და დღესაც მოისმინეთ შეფასებები, მათ შორის ჩვენი ევროპელი მეგობრების, რომ ჩვენი რეფორმათა პაკეტი ძალიან ამბიციური და შედეგებზე ორიენტირებულია. აქედან გამომდინარე, ჩვენ ვართ თვითონ შედეგებზე ორიენტირებული მთავრობა. ბუნებრივია, ასეთი კონსულტაციები ყოველთვის მიდიოდა. მე გიდასტურებთ, რომ დღესაც მიდის. რა თქმა უნდა, დასკვნების გაკეთება ჯერ ნაადრევია, მაგრამ მე ყოველთვის დაგიდასტურებთ, რომ ჩვენ ვართ ორიენტირებული პროგრესზე და იმაზე, რომ ჩვენ ვიყოთ დარწმუნებული, რომ ყველა ადამიანური რესურსი არის მაქსიმალურად ეფექტურად გამოყენებული იმ მიზნების მისაღწევად, რომელიც გვაქვს", - განაცხადა მამუკა ბახტაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პაპუაშვილი – ჰერჩინსკიმ ტონს დაუწიოს, აგდებული ტონი დატოვოს საელჩოში

„საუკეთესო ავტოგაქირავების კომპანია აღმოსავლეთ ევროპაში“ - Europcar Georgia World Luxury Travel Awards-ის გამარჯვებული მეოთხედ გახდა

ვლადიმერ ჭინჭარაულის მიღწევები - საქართველოს ბანკის კამპანია „რომელი ბრენდი იმსახურებს ჩემპიონს?“ გრძელდება

რომელ პროფესიულ აკადემიებში შეგიძლია ისწავლო ხელოვნური ინტელექტი BOG-ის სტიპენდიით?