თქვენ იკადრეთ და  ტოლობის ნიშანი დასვით ქართულ ჯარსა და იმ ჩინოვნიკებს შორის, რომლებიც შესაძლოა ჩართული არიან კანონსაწინააღმდეგო ან კორუფციულ ქმედებაში, - ამ სიტყვებით ენმ-ს წევრმა სალომე სამადაშვილმა თავდაცვის მინისტრ ლევან იზორიას პარლამენტის პლენარულ სხდომაზე მიმართა, სადაც „მინისტრის საათის“ ფორმატში იზორიას უსმენენ.

 როგორც სამადაშვილმა აღნიშნა, პრეზიდენტ სალომე ზურაბიშვილის მიერ გაჟღერებული განცხადებები ბევრად დამაზიანებელია ქართული ჯარისთვის, ვიდრე ოპონენტების შეკითხვები სამინისტროში არსებულ შესაძლო კაონსაწინააღმდეგო ფაქტებთან დაკავსირებით.

„სრულიად უპრეცედენტო შემთხვევის მომსწრე გავხდით ჩვენ ახლა აქ, ამ დარბაზში. როდესაც თქვენ ტოლობის ნიშანი დასვით ქართულ ჯარსა და იმ ჩინოვნიკებს შორის, რომლებიც შესაძლოა ჩართული არიან კანონსაწინააღმდეგო ან კორუფციულ ქმედებაში. ოპოზიცია კი დაადანაშაულეთ ქართულ ჯარზე თავდასხმაში მაშინ, როდესაც ჩვენ ვსვამთ შეკითხვებს კორუფციის ფაქტებთან დაკავშირებით. ასეთი პრეცედენტი მე არ მახსენდება ქართული სახელმწიფოს ისტორიაში, რომ თავდაცვის მინისტრს ეკადრებინა და ტოლობის ნიშანი დაესვა ქართულ ჯარს, საკუთარ თავსა და ჩინოვნიკებს შორის. თქვენ ფიქრობთ, რომ ამოეფარებით ქართულ ჯარსა და შეკითხვებს არ დავსვამთ კორუფციაზე ქართულ ჯარში?! არადა რომელი განცხადება უფრო დამაზიანებელია ქართული ჯარისთვის, თქვენი მთავარ სარდლისა და პრეზიდენტის, რომ ჩვენ დავბომბეთ მძინარე ცხინვალი და ამასთან დაკავშირებით არ მახსენდება დაფიქსირებული პოზიცია, თუ ჩვენი შეკითხვები კორუფცია არსებობს თუ არ არსებობს დღეს ჯარში. სირცხვილია და არანაირ პასუხს თქვენსას არანაირი მნიშვნელობა აღარ აქვს“, - მიმართა სამადაშვილმა იზორიას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს