„სტიქიის შედეგად მიყენებული  ზარალის შეფასებაში მსოფლიო ბანკის ექსპერტები ჩაერთვებიან“,-ამის შესახებ ვიცე-პრემიერმა,  ეკონომიკისა  და მდგრადი განვითარების მინისტრმა გიორგი კვირიკაშვილმა ჟურნალისტებს  განუცხადა.

მისი თქმით, ზარალის სავარაუდო  მოცულობა  ითქვა, მაგრამ მნიშვნელოვანია, რომ ზუსტი შეფასება დაიდოს.

„ზარალის  სავარაუდო  რიცხვი ითქვა, მაგრამ  მაინც ძალიან  სწორი იქნება  დაიდოს ზუსტი შეფასება.  მსოფლიო ბანკის  რეგიონული დირექტორის წერილი მივიღეთ, რომ მსოფლიოს ბანკიდან გამოიყოფა  ექსპერტთა  ჯგუფი, რომელიც ჩაერთვება ზარალის შეფასებაში“,-განაცხადა გიორგი  კვირიკაშვილმა. 

ამასთან,  კვირიკაშვილის განცხადებით, როგორც საბიუჯეტო, ასევე კერძო სექტორიდან  თანხებთან დაკავშირებით კოორდინაცია  ხდება.

„გუშინ  ჰქონდა ფინანსთა მინისტრს იმ ბანკებთან შეხვედრა, ვინც სპეციალური ანგარიში  გახსნა.  როგორც იცით საბიუჯეტო ანგარიშიც არის გახსნილი და მინისტრის მიერ ხდება კოორდინაცია ამ მიღებული თანხებით მიზნობრიობაზე, რომ ოპტიმალურად იქნას  დაფარული ის საჭიროებები, რომლებიც   სტიქიის შედეგად გაჩნდა“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ