2015-06-19 13:15:46, 359 ნახვა
საზოგადოება
სტიქიის ზონა უპილოტო საფრენი აპარატით დაათვალიერეს
გარემოსა და ბუნებრივი რესურსების დაცვის მინისტრმა გიგლა აგულაშვილმა წყნეთი-ახალდაბისა და წყნეთი-ბეთანიის ტერიტორიაზე სტიქიის ზონა უპილოტო საფრენი აპარატის საშუალებით, გეოლოგებთან ერთად დაათვალიერა.
ამის შესახებ „ექსპრესნიუსს“ გარემოს დაცვის სამინისტროდან აცნობეს.
მათივე ინფორმაციით, თავდაცვის სამინისტროს დახმარებით, მდინარე ვერეს ხეობის არეალში აეროგადაღება განხორციელდა. მიღებული ინფორმაციის საფუძველზე, გარემოს ეროვნული სააგენტოს სპეციალისტებს საშუალება ექნებათ მოახდინონ კრიტიკული უბნების იდენტიფიცირება, რომლებმაც კატასტროფული მოვლენები განაპირობეს.
აეროგადაღების შედეგად სარისკო უბნების რუკაზე გადატანა და მომავლისთვის რისკების შეფასება მოხდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
