პრეზიდენტის ავლაბრის რეზიდენცია გინდათ საბანკეტო დარბაზად გადააქციოთ, - ასე მიმართა "ნაციონალური მოძრაობის" წევრმა რომან გოცირიძემ პარლამენტის პლენარუ სესიაზე უმრავლესობის წევრებს. 

გოცირიძის შეფასებით, ქვეყანაში სახელმწიფო ინსტიტუტების დაკნინება მიმდინარეობს და პრეზიდენტის სასახლე ამის ერთ-ერთი მაგალითია. როგორც გოცირიძემ აღნიშნა, ავლაბრის რეზიდენციაში ქვეყნი პრემიერ-მინისტრი უნდა გადავიდეს. 

"დღეს სიმბოლური დღეა, პარლამენტი შეუდგა პირველად მუშაობას ამ დარბაზში და ეს სიმბოლო შეიძლება აღქმული იყოს მისი პირდაპირი მნიშვნელობით - გრძელდება ქვეყანაში სახელმწიფო ინსტიტუტების დაკნინების პროცესი. ქუთაისიდან პარლამენტის გადმოტანა და ქუთაისის შენობის პოლიციისთვის გადაცემა არის პირდაპირი დაცინვა სახელმწიფო ინსტიტუტებისადმი. ამ დაცინვის გაგრძელებაა ის, რაც დღეს ხდება პრეზიდენტის სასახლესთან დაკავშირებით. ქვეყანაში იყო პრეზიდენტის ერთი სასახლე და პრეტენზიები ჰქონდა უმრავლესობას, რომ თურმე ბიუჯეტიდან იყო შესანახი. ახლა პრეზიდენტის ორი სასახლე გვაქვს, ერთი ათონელზე, მეორე ავლაბარში, რომელიც რაღაც საბანკეტო დარბაზად გინდათ გადააკეთოთ, მაღალი თანამდებობის უცხოელი დელეგაციების მისაღებად, რაც წელიწადში ორჯერ თუ სამჯერ მოხდება ალბათ. თუ ფული დაგაკლდათ, შეიძლება საქორწინო დარბაზადაც დაიწყოთ მისი გაქირავება. სახელმწიფო ინსტიტუტების დაკნინება არ გამოიხატება მხოლოდ ქვეყნის სიმბოლოების მიმართ უპატივცემულობაში, აქედან ირიბად ჩანს, რომ საქართველოს არაფორმალური მმართველი განაგებს საკუთარი ხუშტურების შესაბამისად და კატეგორიულად აკრძალულია ავლაბრის რეზიდენციაში რომელიმე სახელმწიფო პირის შესვლა. დაწყევლილი შენობაა ივანიშვილის მიერ. ძალიან სასაცილოა, რომ ალტერნატიულ ვარიანტად რაღაც მუზეუმის გახსნა იგეგმება. კეთილი ინებოს და დღეს რომ აქ პრემიერი გამოცხადდება, გადაბრძანდეს იმ შენობაში“, - განაცხადა რომან გოცირიძემ. 

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა