2019-02-02 11:13:23, 1207 ნახვა

---

ხუნდაძე: იმედია პრინციპულ საკითხებზე გადაწყვეტილებას მივიღებთ - უსასრულო კონსულტაციები ყველაფერს აზიანებს

საპარლამენტო უმრავლესობის წევრ დიმიტრი ხუნდაძეს იმედი აქვს, რომ დღევანდელ შეხვედრაზე მმართველი გუნდი პრინციპულ საკითხებზე შეთანხმდება.

როგორც დეპუტატმა შეხვედრის დაწყებამდე ჟურნალისტებს განუცხადა, კონსულტაციები უსასრულოდ აღარ უნდა გაგრძელდეს.

"შეკრების მესამე რაუნდი გაიმართება მოსამართლეების თემასთან დაკავშირებით. მე ვფიქრობ მეოთხე აღარ უნდა იქნეს საჭირო და გადაწყვეტილება იქნას მიღებული, რამეთუ უსასრულო კონსულტაციები უკვე აზიანებს ყველას და ყველაფერს. კონკრეტულად რა გადაწყვეტილებებს მივიღებთ, ვისაუბრებთ მაშინ, როცა შეხვედრა დასრულდება. მე იმედი მაქვს რომ პრინციპულ საკითხებთან დაკავშირებით გადაწყვეტილება იქნება მიღებული და დასრულებული", - აღნიშნა დიმიტრი ხუნდაძემ.

ცნობისთვის, „ქართული ოცნების“ ცენტრალურ ოფისში მმართველი გუნდის შეხვედრა მიმდინარეობს. შეხვედრას პარტიის თავმჯდომარე, ბიძინა ივანიშვილი უძღვება.  

---

ავტორი: ,

---

დღის თემა

მთავარი თემა

ინტერვიუ - ექსკლუზივი