2015-06-17 13:53:32, 438 ნახვა
საზოგადოება
ჯანელიძე: ზოოპარკის ადმინისტრაცია აცხადებდა, რომ ყველა ცხოველი დაჭერილი ან ლიკვიდირებული იყო, შსს მათ განცხადებს ეყრდნობოდა
უსაფრთხოებისა და კრიზისების მართვის საბჭოს მდივანი მინდია ჯანელიძე აცხადებს, რომ ცხოველის თავდასხმის შედეგად ერთი ადამიანია დაშავებული და მას ამის შესახებ სხვა ინფორმაცია არ აქვს.
როგორც ჯანელიძემ ჟურნალისტებს განუცხადა, ზოოპარკის ადმინისტრაცია ამ დღეების განმავლობაში აცხადებდა, რომ ზოოპარკის ყველა ცხოველი ან დაჭერილი იყო, ან ლიკვიდირებული. შესაბამისად, შინაგან საქმეთა სამინისტრო ეყრდნობოდა ზოოპარკის ადმინისრაციის განცხადებას.
მისივე თქმით, ამ ეტაპზე გაურკვეველია, თუ რომელი მტაცებელი ცხოველი დაესხა თავს მოქალაქეს.
„ჯაჭვი არის შეკრული ტერიტორიაზე და მიმდინარეობს ამ ტერიტორიის დამუშავება“,- განაცხადა ჯანელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
