გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია იტალიის გარემოს დაცვისა და კვლევის ინსტიტუტის ISPRA-ს ხელმძღვანელს, იაპონიის კიოტოს უნივერსიტეტის მეწყერების საერთაშორისო კონსორციუმის ICL -ის ვიცე-პრეზიდენტს, იუნესკოს მთავარ ექსპერტს კლაუდიო მარგოტინს შეხვდა.

მინისტრის მოადგილემ, გეოლოგებთან ერთად ექსპერტს თბილისში განვითარებული სტიქიის სავარაუდო მიზეზებსა და შედეგებზე ინფორმაცია გააცნო.

იტალიელი ექსპერტი ვიზიტის ფარგლებში უშუალოდ გაეცნობა ახალდაბასა და ვერეს ხეობაში შექნილ ვითარებას და ქართველ კოლეგებს საერთაშორისო გამოცდილებას გაუზიარებს.

„ძალიან რთულია მდგომარეობა, საქმე არ გვაქვს მხოლოდ ერთ პრობლემასთან, როგორიცაა ერთი მეწყერი ან ღვარცოფი. აქ არის მთელი ბუნებრივი სტიქიების შერწყმა ერთამანეთთან. ძალიან რთული იქნება მიზანშედეგობრიობის დადგენა. ჩვენ გავდივართ ველზე, რადგან კარგად დავათვალიეროთ არეალი. შევეცდებით გამოვიცნოთ ეს კავშირები დანგრევისა. ჩვენი მიზანია დავიცვათ მოსახლეობა საფრთხისაგან, დავიცვათ ინფრასტრუქტურა და რამენაირად ვმართოთ პროცესები“, - განაცხადა კლაუდიო მარგოტინიმ.

ცნობისთვის, კლაუდიო მარგოტინი მსოფლიოს ერთ-ერთი წამყვანი ექსპერტ-გეოლოგია გარემოს საშიშროებებისა და რისკების მართვის სფეროში და დედამიწაზე სხვადასხვა დროს მომხდარი სტიქიური მოვლენების გამო შექმნილი სამუშაო ჯგუფების ხელმძღვანელი და მონაწილეა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები