იურიდიული კომიტეტი ბრძოლის პოლიგონად გადააქცია იმ პატარა ჯგუფმა, რომელსაც აქვს ღია ინტერესი და ლობირებს მოსამართლეთა უზენაეს სასამართლოში დასანიშნ კანდიდატთა სიას, – ამის შესახებ დეპუტატმა ეკა ბესელიამ საზოგადოებრივ მაუწყებელს განუცხადა.

როგორც მან აღნიშნა, გედევან ფოფხაძესთან დაკავშირებული გადაწყვეტილებით პრუცედურა დაირღვა.

„პროცედურა დაირღვა, როდესაც თავმჯდომარის პირველ მოადგილედ არჩეულია ადამიანი,  თავმჯდომარის მოვალეობა უნდა შეასრულოს და ამ დროს ფრაქცია გაიწვევს. ეს პირდაპირ ნიშნავს კომიტეტის გადაწყვეტილების აღსრულებაში ხელის შეშლას. ეს იყო პოლიტიკური გადაწყვეტილება და პოლიტიკური სისუსტე. სხვაგვარად ამ პატარა ჯგუფმა ვერ მოახერხა, რომ კომიტეტში თავისი ინტერესები გაეტარებინა. სამწუხაროა, რომ ახლა უკვე შემდეგი ეტაპი წამოიწყეს, რადგან მოსამართლეთა დასანიშნი კანდიდატების, უზენაეს სასამართლოში ასარჩევი პირების ახალი სია უნდა წარედგინოს პარლამენტს. როგორც ჩანს, ამ პატარა ჯგუფს სჭირდება, რომ იურიდიულ კომიტეტში არ იყოს ბარიერი, არ შეხვდეს მათ წინაღობა, რაც შეხვდა ამ კონკრეტულ შემთხვევაში, როდესაც ჩემი გადაწყვეტილებით, დეკემბრის ბოლოს არ ჩაინიშნა ამ სიის განსახილველად კომიტეტის სხდომა “, – განაცხადა ეკა ბესელიამ.

ავტორი: ,

სოციალური ქსელები

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს

უნგრეთის პარლამენტზე 12 წლის შემდეგ ევროკავშირის დროშა გადმოფინეს

ჟურნალისტი გელა მთივლიშვილი წერს, რომ თავს დაესხნენ