„წყნეთი -ახალდაბის გზის  მონაკვეთი დღის ბოლოსთვის გაიხსნება“,-ამის შესახებ უსაფრთხოებისა  და კრიზისების მართვის საბჭოს მდივანმა მინდია ჯანელიძემ დღეს გამართულ ბრიფინგზე განაცხადა.

როგორც ჯანელიძემ აღნიშნა, წყნეთი-ახალდაბის გზის მონაკვეთის სრულ რეაბილიტაციას ათი დღე დასჭირდება. 

„ჩვენ  გვაქვს რამდენიმე ლოკაცია. გუშინ შტაბის სხდომაზე გადაწყდა, რომ  ყოფილიყო პასუხისმგებელი უწყებები  თითოეულ ლოკაციაზე.  ზოოპარკის ტერიტორიაზე  გაწმენდითი და დასუფთავების სამუშაოებს აწარმოებს თავდაცვის სამინისტრო, ასევე ზოოპარკის ტერიტორიაზე იმყოფებიან სამაშველო სამსახურის წარმომადგენლები, რომლებიც საძიებო სამუშაოებს აწარმოებენ.  სვანიძის ქუჩაზე, რომელიც მეორე  მძიმე ლოკაცია იყო მიმდინარეობს სამუშაოები  ერთობლივად მერიისა და თავდაცვის სამინისტროს  ძალების მეშვეობით.    ყიფშიძის და წყნეთის ქუჩაზე ასევე მიმდინარეობს  გაწმენდითი სამუშაოები, რომელსაც აწარმოებენ  მერიისა და გარემოს დაცვის სამინისტროს  წარმომადგენლები. აქტიურად  მიმდინარეობს გზის აღდგენითი სამუშაოები  წყნეთი-ახალდაბის  გზის მონაკვეთზე და   დღის ბოლომდე  გზა იქნება აღდგენილი, თუმცა დაახლოებით 10 დღე დასჭირდება  გზის სრულ რეაბილიტაციას.  დღის ბოლოსთვის წყნეთი-ახალდაბის  მონაკვეთი იქნება გახსნილი“,-განაცხადა მინდია ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა