„ბზარი, რომელიც ჩვენში არსებობდა განსაკუთრებით ბოლო მოვლენების შემდეგ, გუშინ საბოლოოდ დაიმსხვრა მითი პატრიარქის კეთილი მწყემსობის შესახებ, ჩემთვის პირადად, როგორც ჭყონდიდელი მიტროპოლიტისთვის“, - ამის შესახებ ჭყონდიდის მიტროპოლიტმა მეუფე პეტრე ცაავამ „ტვ პირველის“ ეთერში განაცხადა.

მან სინოდის სხდომაზე ისაუბრა და აღნიშნა, რომ პატრიარქმა დეკანოზ გიორგი მამალაძის საკითხის განხილვაზე უარი თქვა.

„გუშინდელი სინოდის სხდომა ნამდვილად ვერ იყო მოწოდების სიმაღლეზე. ძალიან სამწუხარო იყო ის ფაქტი, როდესაც მე მოვითხოვე დეკანოზ გიორგი მამალაძის, როგორც უდანაშაულო პატიმრის და ზოგადად „ციანიდის საქმის“ შესახებ. სინოდის წინა სხდომის განჩინების თანახმად, მაშინ როდესაც ყველა ინსტანცია დასრულდებოდა, სინოდი შეეცდებოდა რომ შეექმნა კომისია ამ საქმისათვის. არათუ კომისიის შექმნაზე იყო საუბარი, არამედ მოგეხსენებათ წმინდა სინოდის აქვს მინიჭებული საეკლესიო სასამართლოს ფუნქცია და ჩვენ შეგვეძლო, რომ გვემსჯელა იმ ცინიზმზე, რა უსამართლობაც დავინახეთ.

ვსაუბრობდით ჯერ უკრაინის თემაზე შემდეგ ვთქვი, რომ უკრაინის საკითხის გარდა ასევე აუცილებლად მიმაჩნია, რომ წმიდა სინოდზე იქნას განხილული ჩვენი უდანაშაულო მღვდლის თემა და ციანიდის საქმე. მითხრეს რეპლიკებით, რომ როდესაც ამოიწურება უკრაინის საკითხი, შემდეგ გადავალთ სხვა საკითხებზე. სხვა საკითხებით გაგრძელდა და ბოლოს, როდესაც მივედი მიკროფონთან და დავიწყე საუბარი, მე მინდა, საჯაროდ ეს ვთქვა და იცოდეს საზოგადოებამ, პატრიარქი წამოდგა და შებრუნდა ღვთისმშობლის ხატისკენ, ანუ სინოდის სხდომის დასრულების ლოცვა დააწყებინა მის გვერდით მჯდომ მღვდელმთავარს, რითაც მიმაჩნია, რომ დათვური სამსახური გაუწიეს მას. დღეს სრული პასუხისმგებლობით ვაცხადებ, რომ გაჩენილი ბზარი, რომელიც ჩვენში არსებობდა განსაკუთრებით ბოლო მოვლენების შემდეგ, გუშინ საბოლოოდ დაიმსხვრა მითი პატრიარქის კეთილი მწყემსობის შესახებ, ჩემთვის პირადად, როგორც ჭყონდიდელი მიტროპოლიტისთვის“, - განაცხადა მეუფე პეტრემ.

ავტორი: ,

სოციალური ქსელები

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს

პროკურატურა – 2015 წელს მომხდარი გიორგი კვარაცხელიას განზრახ მკვლელობის საქმე გახსნილია, ორ პირს ბრალდება წარედგინება

თიბისი კამპუსი – უფასო ონლაინ განათლება სტუდენტებისთვის

ტრამპმა განაცხადა, რომ ირანზე დარტყმების შემდეგ თეირანმა შეთანხმების მიღწევა მოითხოვა