„დღეს თქვენ პროფესიულად და შინაარსობრივადაც, ფაქტობრივად, ჩვეულებრივი სუიციდი ჩაიდინეთ, ამას გეუბნებით ქართველი ხალხის სახელით“, - ასე მიმართა იუსტიციის უმაღლესი საბჭოს არამოსამართლე წევრმა ანა დოლიძემ საბჭოს წევრებს მას შემდეგ, რაც მდივანმა უზენაეს სასამართლოში წარსადგენი 10 მოსამართლის კანდიდატურა დაასახელა.

როგორც დოლიძემ აღნიშნა, საბჭომ ხელიდან გაუშვა ისტორიული შანსი, რომ დამოუკიდებელი კონსტიტუციური ორგანოს აღმატებული ფუნქცია შეესრულებინა.

„თქვენი და სასამართლო სისტემის მიმართ ჩემი კრიტიკის მიუხედავად, ნამდვილად არ მეგონა, თუ საკუთარი კარიერის გადასარჩენად თუ ამ დონემდე დაეცემოდით, იმ ბოლო ტოტსა და ნაფოტს გადახერხავდით, რომელზეც სასამართლო ხელისუფლება კიდია. იუსტიციის საბჭოს უმრავლესობამ რეალურად ხელიდან გაუშვა ისტორიული შანსი, რომ საბჭოს შეესრულებინა დამოუკიდებელი კონსტიტუციური ორგანოს აღმატებული ფუნქცია, უდიდესი მოვალეობა და პასუხისმგებლობა, რომელიც კონსტიტუციამ დაგაკისრათ“, - მიმართა დოლიძემ საბჭოს წევრებს.

შეგახსენებთ, იუსტიციის უმაღლესმა საბჭომ უზენაეს სასამართლოში წარსადგენი მოსამართლეთა 10 კანდიდატურა დაასახელა.

ავტორი: ,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა