კაპანაძე: ბიუჯეტის დამტკიცებაც ვერ მოახერხეს, რაც „ოცნების“ უპასუხისმგებლობაზე მეტყველებს

2018-12-13 12:26:06, 1521 ნახვა

კომენტარი

"ევროპული საქართველოს" წევრის სერგი კაპანაძის განცხადებით, ის ფაქტი, რომ მმართველმა გუნდმა გუშინ ბიუჯეტი ვერ დაამტკიცა, ეს მათ უპასუხსიმგებლობაზე მეტყველებს.

კაპანაძის თქმით, ამ ფაქტმა სისტემის ჩამოშლა წარმოაჩინა.

"ბიუჯეტში ჩადებულია მაღალი ინფლაცია, გაზრდილია ვალი. არ არის შემცირებული ბიუროკრატიული ხარჯები. ამ ბიუჯეტის ათვისება არ ხდება და ყოველი წლის ბოლოს 200-250 ლარი რჩება მაშინ, როცა ეს ფული შეიძლება ბევრი მიმართულებით ყოფილიყო გამოყენებული. ბიუჯეტის პროექტის მიღებაც ვერ მოახერხეს, რაც "ქართული ოცნების" წევრების უპასუხისმგებლობაზე და იმაზე მეტყველებს, როგორი ჩამოშლილია სისტემა. ეს არის ლეგიტიმურობას მოკლებული ხელისუფლების სახე", - განაცხადა კაპანაძემ.

ცნობისთვის, გუშინ პარლამენტის პლენარულ სესიაზე 2019 წლის ბიუჯეტის პროექტი უნდა მიეღოთ, თუმცა კვორუმის არარსებობის გამო კენჭისყრა ვერ შედგა. სხდომა დღეს ჩატარდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები