„ამ ეტაპზე, ზოგადად, საკადრო ცვლილებებზე საუბარს არ აქვს საფუძველი. არც მთავრობის, არც პარტიის,  არც პარლამენტის მიმართულებით ეს საკითხები არ განიხილება”,- ამის შესახებ ჟურნალისტებს პარლამენტის თავმჯდომარემ მმართველ გუნდში შესაძლო საკადრო ცვლილებების შესახებ საუბრისას განუცხადა.

მისი თქმით, ამ ცვლილებებთან დაკავშირებით, ისმის გარკვეული სპეკულაციები, რომლებსაც საფუძველი არ აქვს.

“მთავრობა არის ახალი ფორმირებული, დამტკიცებულია მისი პროგრამა და მთავრობა მუშაობს ამ პროგრამის შესაბამისად იმისათვის, რომ განხორციელდეს ის ღონისძიებები, რომელიც საჭიროა ჩვენი ქვეყნის განვითარებისათვის. აქედან გამომდინარე, ამაზე საუბარს საფუძველი არ აქვს“,- აღნიშნა ირაკლი კობახიძემ.

მისივე შეფასებით, დამარცხებულ პოლიტიკურ ძალას აქცენტის სხვა საკითხებზე გადატანის ინტერესი აქვს.

„ბუნებრივია, დამარცხებულ პოლიტიკურ ძალას, „ნაცმოძრაობას“ აქვს იმის სურვილი და ინტერესი,  რომ აქცენტი  გადაიტანოს სხვა რაღაცეებზე, აქედან გამომდინარე, გვესმის ჩვენ ეს სპეკულაციები საკადრო ცვლილებებთან დაკავშირებით”,- განაცხადა ირაკლი კობახიძემ.

„ჩვენ გვქონდა საუბარი იმაზე, რომ გუნდს სჭირდება მუდმივი გაძლიერება, განახლება. რა თქმა უნდა, ჩვენ აქცენტს განსაკუთრებით ვაკეთებთ 2020 წლის საპარლამენტო არჩევნებზე, სადაც ჩვენ საზოგადოების წინაშე უნდა წარვსდგეთ გაძლიერებული გუნდით. ეს არის ჩვენი ამოცანა. ამაზე, ბუნებრივია, ჩვენ ძალიან აქტიურად ვიმუშავებთ მომდევნო ორი წლის განმავლობაში. თუმცა, რაც შეეხება უშუალოდ ახლა რაიმე საკადრო ცვლილებებს, ამას საფუძველი არ აქვს. ეს არის დამარცხებული პოლიტიკური პარტიის  „ნაცმოძრაობის“ სურვილი, რომ გადაიტანოს სხვა რამეზე აქცენტი საკუთარი მარცხიდან”,- განაცხადა ჟურნალისტებთან საუბრისას პარლამენტის თავმჯდომარემ.

ავტორი: ,

სოციალური ქსელები

ჟურნალისტი გელა მთივლიშვილი წერს, რომ თავს დაესხნენ

ორბანმა უნგრეთის პრემიერ-მინისტრის თანამდებობა დატოვა

ზვიად მაისაშვილი: ორივე სპეცრაზმელმა აღიარა დანაშაული, ბოდიში მოიხადეს

ზურაბიშვილმა ევროკავშირის ელჩს დიუშენის მქონე ბავშვების დახმარების თხოვნით მიმართა