საქართველო-ისრაელის ბიზნეს პალატა წუხელ თბილისში ძლიერი სტიქიის შედეგად მოქალაქეთა დაღუპვის გამო მწუხარებას გამოთქვამს და მათ ოჯახებს სამძიმარს უცხადებს.

როგორც საქართველო–ისრაელის ბიზნეს პალატის პრეზიდენტის, იციკ მოშეს მიერ გავრცელებულ განცხადებაშია ნათქვამი, მათ თბილისში მომუშავე ისრაელურ კომპანიებს დედაქალაქში სტიქიის შედეგების ლიკვიდაციისთვის დახმარების თხოვნით მიმართეს. 

"ვიზიარებ მწუხარებას მომხდარის გამო და დაღუპულთა ოჯახებს ამ მძიმე წუთებში თანადგომას ვუცხადებ. საქართველო-ისრაელის ბიზნეს პალატა მაქსიმალურად გვერდში ამოუდგება დედაქალაქის მერიასა და მთავრობას სტიქიის შედეგების ლიკვიდაციაში. ჩვენ უკვე მივმართეთ თბილისში მომუშავე ისრაელურ კომპანიებს, რათა პირველ ეტაპზე დახმარება აღმოუჩინონ და ყურადღება მიაქციონ მათი ობიექტების მიმდებარე ტერიტორიის მაცხოვრებლებს და სტიქიის შედეგების აღმოფხვრაში დახმარება შევთავაზეთ~, _ ნათქვამია  საქართველო-ისრაელის ბიზნეს პალატის პრეზიდენტის, ისრაელის სახლის დამფუძნებლის იციკ მოშეს მიერ დღეს დილით გავრცელებულ განცხადებაში.

ბიზნეს პალატის პრეზიდენტის თქმით, მიმდინარე მოვლენების გამო ბიზნეს პალატა იქნება მუდმივ კავშირში დედაქალაქის მერიასთან. 

იციკ მოშე მიმართავს თბილისის მერს, ხვალ შეკრიბოს ბიზნესისა და საქართველოში მოქმედი სავაჭრო პალატების წარმომადგენლები, რათა ერთობლივი ძალისხმევით შეძლონ სტიქიის სალიკვიდაციო პროცესში მერიის მაქსიმალური მხარდაჭერა.    

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა