საქართველოს პრეზიდენტი  სტიქიის ზონაში იმყოფებოდა. გიორგი მარგველაშვილმა "ლაგუნა ვერეს", გმირთა მოედნის, ვაკე-საბურთალოს გზის დატბორილი მონაკვეთი პრეზიდენტის ადმინისტრაციის წევრებთან ერთად დაათვალიერა.
"დაძლევადია ყველაფერი, გზაც აღდგენადია. ბუნებრივია, ასეთ მომენტში ის, რაც ძალიან გამძიმებს ადამიანს, არის ადამიანური მსხვერპლი, რომელიც ჩვენ, სამწუხაროდ, გვაქვს. მუშაობენ სამსახურები და ჩვენ ჩავერთვებით სამუშაოებში მერიასთან ერთად და დავეხმარებით დაზარალებულებს, თუმცა გარდაცვლილებს ვერ დავაბრუნებთ და ეს ძალიან მძიმეა", - განაცხადა მარგველაშვილმა.
 ბოლო ინფორმაციით, თბილისში ძლიერი წვიმის შედეგად 8 ადამიანია დაღუპული.  მათგან ერთი წყნეთის გზაზე დაიღუპა. გარდაცვლილებს შორის არიან  სვანაძის ქუჩაზე მცხოვრები ორი საშუალო ასაკის ქალბატონი, ასევე  20 და 22 წლის დები. 
ამასთან, ცოტა ხნის წინ ზოოპარკის ტერიტორიაზე კიდევ სამი ცხედარი იპოვეს. მათგან  ერთი  გულიკო ჭიტაძეა, რომელსაც რამდენიმე კვირის წინ ვეფხვმა დაზიანებები მიაყენა. დაიღუპა გულიკო ჭიტაძის მეუღლე მალხაზ ჭიტაძე და მათთან შეფარებული  ვეტერანი, რომლის ვინაობაც ჯერჯერობით უცნობია. 
ამ დროისთვის, რამდენიმე დაკარგული ადამიანის ძებნა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა