სასტუმრო  „თბილისი მარიოტში“ “კავკასიის განახლებადი ენერგიის ფონდი I” -ის პრეზენტაცია გაიმართა, რომელსაც გარემოსა და ბუნებრივი რესურსების დაცვის მინისტრის გიგლა აგულაშვილი დაესწრო. ოფიციალური ხელმოწერის ცერემონიაში   კომპანია „შულც გლობალ ინსვესტმეტთან“  ერთად მონაწილეობდა “გლობალური ენერგო ეფექტურობისა და განახლებადი ენერგიის ფონდი” (“GEEREF”), ევროპის საინვესტიციო ბანკის (“EIB”) აფილირებული კომპანია,  რომელიც ორიენტირებულია განვითარებად ბაზრებზე ინვესტირებაზე განახლებადი ენერგიის დარგში და “ავსტრიის განვითარების ბანკი” (“OeEB”). 
“გლობალური ენერგო ეფექტურობისა და განახლებადი ენერგიის ფონდი” და “ავსტრიის განვითარების ბანკი”  ფონდის წამყვანი ინსტიტუციონალურო ინვესტორები არიან, რომლებიც  13 მილიონი დოლარისა და 7 მილიონი დოლარის    ოდენობით ინვესტიციას განახორციელებენ. ფონდი საინვესტიციო საქმიანობის დაწყებას საქართველოში მომდევნო თვეებიდან გეგმავს.
“კავკასიის განახლებადი ენერგიის ფონდი I” -ის მიზანია განახორციელოს ინვესტიციები მცირე და საშუალო ჰიდროელექტროსადგურების მშენებლობაში, კაპიტალში წილობრივი მონაწილეობის გზით. აღნიშნული მასშტაბის ჰიდროელექტროსადგურების განვითარების პროცესის შეყოვნებას იწვევს ის ფაქტი, რომ პროექტების მფლობელებს და განვითარების მსურველებს  აქვთ შეზღუდული წვდომა კაპიტალზე, რაც ხელს უშლის ამ ზომის, მიმზიდველი პროექტების განხორციელებას ქვეყანაში. “კავკასიის განახლებადი ენერგიის ფონდი I” -ის მეშვეობით კომპანია გეგმავს გადაჭრას არსებული პრობლემა ადგილობრივ ბაზარზე და ამავდროულად  ხელი შეუწყოს  მცირე და საშუალო ჰიდრო ენერგეტიკული სადგურების პოტენციალის გამოვლენას საქართველოში.

“შულც გლობალ ინვესტმენტი” ორიენტირებულია დაახლოებით 10-დან 20 მეგავატამდე სიმძლავრის ჰიდროელექტრო სადგურების მშენებლობაზე. ამ სიდიდის პროექტები თავისთავად გულისხმობს ნაკლებ გარემოსდაცვით და სოციალურ რისკებს. ამავდროულად, “შულც გლობალი” გეგმავს ხელი შეუწყოს ქვეყანაში ჰიდრო ელექტრო სადგურების მშენებლობისა და მათი ოპერირების პროცესებთან დაკავშირებული გარემოს დაცვით და სოციალურ სფეროებში საერთაშორისო სტანდარტებისა და საუკეთესო პრაქტიკის დანერგვას. კომპანიისთვის მნიშვნელოვანია გაითვალისწინოს ადგილობრივი მოსახლეობისა და ყველა დაინტერესებული მხარის ინტერესი პროექტების განხორციელებისა და დაგეგმვის ეტაპებზე.

„შულც გლობალი“ წარმოადგენს ამერიკულ საინვესტიციო კომპანიას, რომელიც მსოფლიოს დინამიურად განვითარებად ქვეყნებზეა ორიენტირებული.  დღესდღეობით იგი რამდენიმე ასობით მილიონი დოლარის ინვესტიციებს მართავს სხვადასხვა საერთაშორისო ბაზრებზე აზიაში, სამხრეთ ამერიკასა და აფრიკაში და პარტნიორობს მსოფლიოს ყველაზე პრესტიჟულ ინსტიტუციონალურ ინვესტორებთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა