ერას შეხვედრა შესაძლებელია ბათუმში გაიმართოს

2015-06-12 10:26:52, 310 ნახვა

აჭარის მთავრობის თავმჯდომარე არჩილ ხაბაძე და აჭარის განათლების, კულტურის და სპორტის მინისტრიგიორგი თავამაიშვილი შვედეთში, ქალაქ გიოტებურგში ევროპის რეგიონთა ასამბლეის 30 წლის იუბილესადმი მიძღვნილ ღონისძიებებს ესწრებიან.

შვედეთში ოფიციალური ვიზიტის ფარგლებში არჩილ ხაბაძე და გია თავამაიშვილი ევროპის რეგიონთა ასამბლეის პრეზიდენტს ჰანდე იზსან ბოზათლის შეხვდნენ.

შეხვედრაზე განიხილეს აჭარის რეგიონში ერას პროგრამით განხორციელებული პროექტები. საუბარი შეეხო რეგიონთა ასამბლეის როლს ასამბლეის წევრი რეგიონების განვითარების საქმეში. არჩილ ხაბაძემ ერას პრეზიდენტს მომავალი ღონისძიების ჩატარების ადგილად ბათუმი შესთავაზა.

"ბათუმს გააჩნია ყველაფერი, რაც საერთაშორისო კონფერენციებისა და კონგრესების ჩასატარებლად არის საჭირო - სხვადასხვა ქვეყანასთან დამაკავშირებელი მოქნილი საჰაერო და საზღვაო ტრანსპორტი, მაღალი კლასის სასტუმროები და რესტორნები, რასაც ემატება ისტორიული ღირსშესანიშნაობები და მდიდარი კულტურა. მსგავსი ღონისძიებების ჩატარება ხელს შეუწყობს ჩვენი რეგიონის პოპულარიზაციას და სხვადასხვა ახალი პროექტისა თუ ინვესტიციის მოზიდვას"- აღნიშნა არჩილ ხაბაძემ.