საქართველოს იუსტიციის სამინისტროს სსიპ „დანაშაულის პრევენციის ცენტრის“ მედიაციის სახლში ბულინგის თემაზე მოზარდებისთვის კინოჩვენება გაიმართა.

ღონისძიებაზე ნაჩვენები იყო ოთარ შამათავას მოკლემეტრაჟიანი სატელევიზიო მხატვრული ფილმი „სუფთა დაფა“  (1981 წ). ღონისძიებას სსიპ „დანაშაულის პრევენციის ცენტრის“ დირექტორი ჯონი კვინიკაძე დაესწრო.

ჩვენების შემდეგ გაიმართა მსჯელობა ბულინგის თემაზე, რომელსაც ბავშვთა ფსიქოლოგი  მაია ცირამუა უძღვებოდა. მან მოზარდებთან სასკოლო ცხოვრებისა და ზოგადად, ბავშვთა უფლებების შესახებ ისაუბრა. მათ შორის ბულინგის ფორმებზე, მის დამახასიათებელ ქცევებსა და ამ პროცესის მონაწილეთა როლებზე.

„ფილმის ჩვენება და დისკუსია საქართველოს იუსტიციის სამინისტროს საგრანტო პროგრამის ფარგლებში გაიმართა. ის გახლდათ წამების მსხვერპლთა ფსიქოსოციალური და სამედიცინო რეაბილიტაციის ცენტრის (GCRT) მიერ ჩატარებული ექვსთვიანი ტრენინგციკლის („ანტისოციალური ქცევის პრევენცია“) ბოლო აქტივობა. დისკუსიაში აქტიურად ჩაერთვნენ მოზარდები, რომლებმაც ბულინგის პროცესის შესახებ საკუთარი დამოკიდებულება გამოხატეს და კონკრეტულ მაგალითებზე იმსჯელეს. მთავარი განსახილველი თემა კი იყო რა უწყობს ხელს სკოლებში ბულინგის გავრცელებას და როგორ შეიძლება ამ პროცესის შეჩერება“, - განაცხადა ჯონი კვინიკაძემ.

კინოჩვენებას დანაშაულის პრევენციის ცენტრის ახალგაზრდული პროგრამების მონაწილე სკოლის მოსწავლეები დაესწრნენ.

ცნობისთვის, ბულინგი არის ფიზიკური ან ფსიქოლოგიური სასტიკი მოპყრობის და ურთიერთობის ხანგრძლივი პროცესი, ერთი ბავშვის ან ბავშვების ჯგუფის მიერ სხვა ბავშვის (ან ბავშვების ჯგუფის) მიმართ. იუსტიციის სამინისტროს სსიპ „დანაშაულის პრევენციის ცენტრი“ რამდენიმე ახალგაზრდულ პროგრამას ახორციელებს. მათი ერთ-ერთი მთავარი მიზანია მოზარდებში სამართლებრივი და სამოქალაქო ცნობიერების ამაღლება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა