შინაგან საქმეთა სამინისტროს აკადემიაში, პრაღის პროცესის მიზნობრივი ინიციატივის მეხუთე საპილოტე პროექტის ფარგლებში, სამუშაო შეხვედრა გაიმართა.

შსს-ს ინფორმაციით, პროექტი არალეგალური მიგრაციის საკითხებზე, პოლონეთის და რუმინეთის ხელშეწყობით, 2014 წლიდან ხორციელდება და წევრ ქვეყნებს შორის არარეგულარულ მიგრანტთა მოქალაქეობისა და პირადობის დადგენის საკითხებზე ინფორმაციისა და გამოცდილების გაზიარებას ისახავს მიზნად.

სამუშაო შეხვედრაზე არალეგალური მიგრაციის შესახებ პრაღის პროცესის მონაწილე ქვეყნებმა ერთმანეთს გამოცდილება გაუზიარეს.

შეხვედრას საქართველოს შინაგან საქმეთა სამინისტროს, მიგრაციის საკითხთა სამთავრობო კომისიის სამდივნოს, მიგრაციის პოლიტიკის განვითარების საერთაშორისო ცენტრის, მიგრაციის საერთაშორისო ორგანიზაციის, პრაღის პროცესის პროექტში მონაწილე ქვეყნების (სომხეთის, აზერბაიჯანის, ბელარუსის რესპუბლიკის, ბოსნია და ჰერცოგოვინას, უნგრეთის, ყაზახეთის, ყირგიზეთის, მოლდოვის რესპუბლიკის, ჰოლანდიის, პოლონეთის რესპუბლიკის, რუმინეთის რესპუბლიკის, სერბეთის და უკრაინის) სახელმწიფო უწყებების წარმომადგენლები დაესწრნენ. შეხვედრის მონაწილეებმა სამუშაო შეხვედრის შემდეგ შსს-ს მიგრაციის დეპარტამენტის დროებითი განთავსების ცენტრი დაათვალიერეს და დეპარტამენტის მუშაობის სპეციფიკას გაეცნენ.

პრაღის პროცესის სამდივნოს ფუნქციას მიგრაციის პოლიტიკის განვითარების საერთაშორისო ცენტრი (ICMPD) ასრულებს და ევროკავშირის წევრ ქვეყნებთან ერთად კოორდინაციას უწევს საპილოტე პროექტების განხორციელებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა