სახელმწიფო სერვისების განვითარების სააგენტოსა და სოფლის მეურნეობის სამინისტროს შორის  დღეს ურთიერთთანამშრომლობის მემორანდუმი გაფორმდა.

ორ უწყებას შორის თანამშრომლობის მემორანდუმის მიზანს იმ სერვისებზე ხელმისაწვდომობის გაზრდა წარმოადგენს, რომლის მიღებაც ადგილობრივ მოსახლეობას საზოგადოებრივ ცენტრებში შეუძლია.

მემორანდუმის ფარგლებში, ადგილობრივი მოსახლეობისთვის საზოგადოებრივ ცენტრებში  შპს „მექანიზატორის“ სერვისებთნ ერთად,  კონსულტაციის მიღებაც იქნება შესაძლებელი.  კონსულტაცია მოიცავს ისეთ აქტუალურ მიმართულებებს, რომელიც დაკავშირებულია სოფლის მეურნეობის სახელმწიფო მხარდაჭერასთან და საზოგადოებრივი ცენტრის მომხმარებლებისთვის მნიშვნელოვან საკითხს წარმოადგენს.

ასევე, მემორანდუმის ფარგლებში გავრცელდება საინფორმაციო ბროშურები სასოფლო-სამეურნეო კულტურების წარმოების, მცენარეთა დაცვის, ცხოველთა მოვლის, ნიადაგის დამუშავების თანამედროვე აგრო-ტექნოლოგიების შესახებ. ასევე მოეწყობა საინფორმაციო-საკონსულტაციო ხასიათის შეხვედრები მოსახლეობასთან.

კონსულტაციები კი მოიცავს ისეთ საკითხებს როგორებიცაა: შესაბამის პროგრამებსა და პროექტებზე პასუხისმგებელი პირების და ორგანიზაციების საკონტაქტო მონაცემების მიწოდება; ინფორმირება სამინისტროს, მისი სისტემის ორგანიზაციების და სერვისების მიმწოდებელი სამსახურების საკონტაქტო მონაცემების შესახებ; სამინისტროს ეგიდით მიმდინარე პროგრამების და პროექტების შესახებ; შესაბამის პროგრამებზე და პროექტებზე პასუხისმგებელი პირების და ორგანიზაციების საკონტაქტო მონაცემების შესახებ; სამინისტროს, მისი სისტემის ორგანიზაციების და სერვისების მიმწოდებელი სამსახურების საკონტაქტო მონაცემების შესახებ.

საზოგადოებრივი ცენტრების მიზანი სოფლის მოსახლეობისთვის ხარისხიანი მომსახურების მიწოდება და ადგილობრივი ინფრასტრუქტურის გაუმჯობესებაა. მისი კონცეფცია სახელმწიფო სერვისების განვითარების სააგენტოს პროექტის ფარგლებში შეიქმნა, რომელიც ევროკავშირის ფინანსური მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა