2015-06-07 10:39:26, 310 ნახვა

---

შსს–მ ცეცხლსასროლი იარაღისა და საბრძოლო მასალის უკანონო შეძენა–გასაღების ფაქტზე ორი პირი დააკავა

შსს-ს ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო ღონისძიებების შედეგად, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის და გასაღების ფაქტებზე გიორგი ლ. და ოთარ მ. დააკავეს.

შინაგან საქმეთა სამინისტროს ინფორმაციით, გიორგი ლ-მ 550 ლარის სანაცვლოდ მართლსაწინააღმდეგოდ გაასაღა ,,ბერეტას'' მოდელის პისტოლეტი, რაც ექსპერტიზის დასკვნის შესაბამისად ცეცხლსასროლ იარაღთა კატეგორიას მიეკუთვნება და სროლისთვის ვარგისია. სამართალდამცველებმა ოთარ მ-ს საცხოვრებელი ბინის ჩხრეკისას მართლსაწინააღმდეგოდ შეძენილი და შენახული საბრძოლო მასალა ამოიღეს.

გამოძიება წინასწარი შეთანხმებით ჯგუფის მიერ ცეცხლსასროლი იარაღის და საბრძოლო მასალის მართლსაწინააღმდეგო შეძენის, შენახვისა და გასაღების ფაქტებზე მიმდინარეობს (საქართველოს სისხლის სამართლის კოდექსის 236-ე მუხლის 1-ლი ნაწილით და ამავე მუხლის მე-4 ნაწილის ,,ა'' ქვეპუნქტით, რაც 7-დან 10 წლამდე ვადით თავისუფლების აღკვეთას ითვალისწინებს).

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი