ეკონომიკისა და მდგრადი განვითარების მინისტრი გიორგი ქობულია ევროპის ენერგეტიკული გაერთიანების წარმომადგენლობით დელეგაციას შეხვდა, რომელსაც აღნიშნული ორგანიზაციის სამდივნოს დირექტორი იანეშ კოპაჩი ხელმძღვანელობს.

შეხვედრას ასევე დაესწრნენ ეკონომიკისა და მდგრადი განვითარების მინისტრის მოადგილეები ნათია თურნავა და ირმა ქავთარაძე და საქართველოს ენერგეტიკის განვითარების ფონდის დირექტორი გიორგი ჩიქოვანი.

„ევროპის ენერგეტიკული გაერთიანება ჩვენ ენერგეტიკული სექტორის რეფორმაში გვეხმარება. რეფორმა ითვალისწინებს უმნიშვნელოვანეს ინიციატივებს, როგორიცაა ელექტროენერგიის ყიდვა-გაყიდვის თავისუფალი ბაზრის ჩამოყალიბება, ენერგოეფექტურობის დანერგვა მშენებლობასა და სხვა სექტორებში და სხვ," - განაცხადა ეკონომიკისა და მდგრადი განვითარების მინისტრმა გიორგი ქობულიამ იანეშ კოპაჩთან შეხვედრის შემდეგ.

„მიგვაჩნია, რომ ჩვენი მჭიდრო თანამშრომლობის შედეგად დავაჩქარებთ რეფორმის დანერგვას, რაც მნიშვნელოვან ბიძგს მისცემს საქართველოს ენერგოსექტორის ეფექტურობის ამაღლებას," - განაცხადა გიორგი ქობულიამ.

„ჩვენ განვიხილეთ ენერგეტიკის სექტორში მიმდინარე რეფორმების ყველა დეტალი. როგორც ჩანს, მინისტრი ძალზედ დაინტერესებული ამ საკითხებით, რაც, რა თქმა უნდა, ძალიან მახარებს. მინისტრი იმ დეტალებით დაინტერესდა, რაც შესაბამისი კანონის მიღებისა და დანერგვის აუცილებელი წინაპირობებია. ზოგადად, ძალიან დადებითი შთაბეჭდილება დამრჩა. ჩვენ ასევე შევათანხმეთ სამომავლო შეხვედრები იმ დეტალებზე სასაუბროდ, რომლებიც დამატებით განხილვას საჭიროებს“, - განაცხადა ევროპის ენერგეტიკული გაერთიანების სამდივნოს დირექტორმა იანეშ კოპაჩმა. 

(NS)

ავტორი: ,

სოციალური ქსელები

უკრაინამ შეიმუშავა გეგმა, რომლის მიხედვითაც მოსკოვის აეროპორტები 1000 დრონის გამოყენებით სრულად იქნება პარალიზებული.

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები