კიკეთში, ბაჩანას ქუჩაზე მილხიდი ეწყობა

2018-09-06 13:07:11, 433 ნახვა

კიკეთში, ბაჩანას ქუჩაზე არსებულ ხევში, რომელიც ხუთ ოჯახს გარესამყაროსთან აკავშირებს, მილხიდის მშენებლობა მიმდინარეობს.

ინფრასტრუქტურული პროექტი, უამინდობის დროს, ადგილობრივი მოსახლეობისთვის თავისუფალი გადაადგილების შესაძლებლობას უზრუნველყოფს.

მილხიდის მშენებლობის სამუშაოებს კიკეთში მთაწმინდის რაიონის გამგებელი დავით კირკიტაძე გაეცნო.

გამგებლის განცხადებით, აღნიშნული პროექტის განხორციელება აქ მცხოვრებთათვის წლების განმავლობაში არსებულ პრობლემას გადაჭრის.

მისივე განმარტებით, ძლიერი წვიმები ხევში არსებული გრუნტისქვეშა წყლების ადიდებას და გადასასვლელის ჩახერგვას იწვევდა, რის შედეგადაც მოსახლეობა ხევს მიღმა გარესამყაროს წყდებოდა.

მილხიდის მოწყობისთვის მთაწმინდის გამგეობის ბიუჯეტიდან 33 ათასი ლარია გამოყოფილი.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები