ფოთში, აფეთქების შედეგად დაშავებულ 2 პირს ოპერაცია უტარდება

2018-09-05 12:20:54, 583 ნახვა

ფოთში მომხდარი აფეთქების შედეგად დაშავებულ 2 მოქალაქეს ოპერაცია უტარდებათ.

როგორც ზუგდიდის რეფერალური საავადმყოფოს კლინიკური დირექტორმა სულხან ორჟონიამ აღნიშნა, მამაკაცის მდგომარეობა მძიმეა და ის საოპერაციო ბლოკშია გადაყვანილი.

„კატასტროფის სამსახურის ბრიგადის მიერ, ფოთის საავადმყოფოდან გადმოყვანილ იქნა მამაკაცი, დიაგნოზით - დაუზუსტებელი ფეთქებადი ნივთიერების მიერ მიყენებული სხეულის მრავლობითი დაზიანება. პაციენტის მდგომარეობა ამ დროისთვის არის უკიდურესად მძიმე. კომატოზურ მდგომარეობაშია, იმყოფება მართვის სუნთქვაზე. სასიცოცხლო ჩვენებით გადაყვანილია საოპერაციო ბლოკში“, - განაცხადა ორჟონიამ.

რაც შეეხება მეორე დაშავებულს, ქუთაისის ამბულატორიის სამსახურის უფროსის ეკატერინე ნიშნიანიძის თქმით, პაციენტს ქალა ტვინის ღია ტრავმა აქვს მიღებული.

"პაციენტი მოთავსებულია ინტენსიურ განყოფილებაში. იგეგმება ნეიროქირურგიული ჩარევა. ამჟამად მდგომარეობა სტაბილურია და კონტროლს ექვემბდებარება“, - განაცხადა ეკატერინე ნიშნიანიძემ.

შეგახსენებთ, ფოთში დღეს გამთენიისას აფეთქება მოხდა, რის შედეგად ერთი ადამიანი დაიღუპა და 3 დაშავდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები