"მსოფლიო ბანკი საქართველოს ეროვნული ბანკის მიერ გატარებული მონეტარული პოლიტიკით კმაყოფილია“,-ამის შესახებ მსოფლიო ბანკის რეგიონულმა დირექტორმა სამხრეთ კავკასიაში  ჰენრი კერალმა ჟურნალისტებს  ყოფილი პრემიერ-მინისტრის  ბიძინა ივანიშვილის მიერ  გაკეთებულ განცხადებასთან დაკავშირებით განუცხადა. 
მისივე თქმით, ამ საკითხთან დაკავშირებით კონკრეტული კომენტარის  გაკეთება არ შეუძლია, რადგან ბიძინა ივანიშვილისა და სავალუტო ფონდის მისიის ხელმძღვანელთან  შეხვედრას მსოფლიო ბანკის წარმომადგენელი არ ესწრებოდა. 
„მსოფლიო ბანკი არ ესწრებოდა ბატონი ბიძინა ივანიშვილისა და საერთაშორისო სავალუტო ფონდის შეხვედრას, ამიტომ კონკრეტულ შეფასებას ვერ გავაკეთებთ. ჩვენთვის უცნობია რა შინაარსის საუბარი იყო მათ შორის. ის  შეგვიძლია ვთქვათ, რომ ეროვნული ბან კის მონეტრაული პოლიტიკით, რომელიც მან ბოლო პერიოდში მთავრობასა და ფინანსთა სამინისტროსთან ერთად გაატარა , კმაყოფილები ვართ“,-აღნიშნა ჰენრი კერალმა. 
ცნობისთვის, ყოფილმა პრემიერ-მინისტრმა  ბიძინა ივანიშვილმა  განაცხადა,  რომ საერთაშორისო სავალუტო ფონდის წარმომადგენელმა მას პირადი შეხვედრისას სთხოვა,  არ დაწყებულიყო სისხლის სამართლებრივი დევნა საქართველოს ეროვნული ბანკის ხელმძღვანელის მიმართ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყველა ტელეარხმა ტრამპის ბოიკოტი გამოაცხადა

ირლანდიიდან საქართველოს 43 მოქალაქე დეპორტირებულია

ღარიბაშვილის ახალი წერილი - ჩემი პატიმრობა პირველივე დღიდან პოლიტიკურია

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია