ეროვნული ბანკიდან საბანკო ზედამხედველობის ფუნქციის გამოყოფის საკითხზე საბანკო სექტორთან შეხვედრა იმართება

2015-06-04 16:17:57, 698 ნახვა

ეკონომიკა

სასტუმრო „რედისონში“ ეროვნული ბანკის შესახებ საქართველოს ორგანულ კანონში დაგეგმილი ცვლილებების თაობაზე შეხვედრა იმართება.
შეხვედრას ცვლილების ინიციატორი პარლამენტის საფინანსო-საბიუჯეტო კომიტეტის წევრები ბიზნეს და საბანკო სექტორის წარმომადგენლები და ბიზნეს ომბუდსმენი გიორგი გახარია ესწრებიან.
შეხვედრას ესწრება ფინანსთა მინისტრი ნოდარ ხადური.
შეხვედრის დაწყებამდე საფინანსო-საბიუჯეტო კომიტეტის თავმჯდომარემ თამაზ მეჭიაურმა ჟურნალისტებთან განაცხადა, რომ მისთვის ბიზნესსექტორის მთავარი მოთხოვნა მისაღები არ არის.
„ჩვენც ვაპირებდით განსაკუთრებით პირველი მოსმენის შემდეგ ბიზნეს სექტორთან მათ შორის ბანკირებთან შეხვედრას. ბიზნეს ომბუდსმენის თხოვნით ეს შეხვედრა დავაჩქარეთ და ინიცირებული ცვლილებების ავტორები პირველი მოსმენის წინ ვხვდებით საბანკო სექტორის წარმომადგენლებს.“,-განაცხადა მეჭიაურმა.
კითხვაზე არის თუ არა მზაობა, რომ ბიზნეს სექტორის მთავარი მოთხოვნა გათვალისწინებული იყოს, რაც იმაში მდგომარეობს, რომ არ უნდა მოხდეს საბანკო ზედამხედველობის ფუნქციის გამოყოფა ეროვნული ბანკიდან თამაზ მეჭიაურამა განაცხდა, რომ „არა, მე მზად ვარ მხოლოდ ეს პრინციპი დავიცვა“.