საქართველოს პრემიერ-მინისტრმა მამუკა ბახტაძემ დღეს, მთავრობის სხდომის დაწყებამდე გამართულ ბრიფინგზე საჯარო შესყიდვების სისტემის ტრანსფორმირების აუცილებლობაზე ისაუბრა.

როგორც მთავრობის მეთაურმა აღნიშნა, საჯარო შესყიდვების ინოვაციური გზით,   ცენტრალიზებული შესყიდვების გამოყენებით განხორციელება იძლევა საშუალებას, უზრუნველყოფილი იყოს სახელმწიფო სახსრების კიდევ უფრო ეფექტურად ხარჯვა და  საჯარო შესყიდვების განხორციელებისათვის საჭირო ხარჯების შემცირება.

„ქვეყნის ეკონომიკის განვითარებასთან ერთად ყოველწლიურად იზრდება სახელმწიფო შესყიდვებისათვის გამოყოფილი თანხების ოდენობა, რაც დღის წესრიგში აყენებს და სტრატეგიულად მნიშვნელოვანს ხდის სახელმწიფო შესყიდვების  სისტემის ეფექტიან ფუნქციონირებას. სწორედ ამიტომ, საჭიროდ მიგვაჩნია საჯარო შესყიდვების სისტემის კარდინალური ტრანსფორმირება და საჯარო შესყიდვების განხორციელება ახლებურად, ინოვაციური გზით, ცენტრალიზებული შესყიდვების გამოყენებით. ასეთი მიდგომა იძლევა საშუალებას უზრუნველვყოთ სახელმწიფო სახსრების კიდევ უფრო ეფექტურად ხარჯვა და შევამციროთ საჯარო შესყიდვების განხორციელებისათვის საჭირო ხარჯები, ამავე დროს შევამციროთ სახელმწიფო სახსრების არარაციონალური ხარჯვების რისკი; მოვახდინოთ   სხვადასხვა სახელმწიფო ორგანიზაციაში გაფანტული სახელმწიფო შესყიდვების ერთ ცენტრალიზებულ ორგანოში  კონცენტრირება და შესაბამისი სტრუქტურების ოპტიმიზაცია, რაც საშუალებას მოგვცემს განვახორციელოთ სახელმწიფო შესყიდვების უკეთესი კოორდინაცია; შევამციროთ ამავე დროს შესაძლო კორუფციული რისკები  და  უზრუნველვყოთ ამ რისკების პრევენცია“, -განაცხადა პრემიერ-მინისტრმა.

მამუკა ბახტაძის თქმით, აღნიშნული სისტემის სრულფასოვანი დანერგვის შემდეგ მოლოდინია, რომ დაახლოებით 100 მილიონი ლარის ეკონომიის მიღება გახდება შესაძლებელი.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია