საქართველოს ყოფილი პრეზიდენტის მიხეილ სააკაშვილის ყვარლის სახლთან ხმაური იყო. ამ დრომდე იქ შეღწევას სცდილობს ბიზნესმენი ვალერი შოშიაშვილი. თუმცა ამის საშუალებს მას სახლთნ გამაგრებული რამდენიმე პირი არ აძლევს. შოშიაშვილი ამბობს, რომ მას მიხეილ სააკაშვილის ხელისუფლებაში ყოფნის დროს, ქონება წაართვეს და სანამ   არ დაუბრუნებენ,   ყვარლის სახლში შეღწევის შემთხვევაში, იქედან აღარ გამოვა. მისივე თქმით, გრემის კულტურის სახლი იძულებით შეაძენინეს და  ღირებულზე  ბევრად ძვირი გადაახდევინეს.
"3 წელია ველოდები "ნაციონალური მოძრაობის" განადგურებას.მე მოვედი დღეს, რომ დავიკავებ მიშა სააკაშვილის სახლს, მოვედი, რომ გამოვიდეს კახეთის ყოფილი გუბერნატორი გიორგი ღვინიაშვილი, გამოვიდეს ირმა ნადირაშვილი, ნუ იმალებიან შიგნით. გამცენ პასუხი, წამოვიდნენ გრემის კულტურის სახლში და ნახონ მათი საშუალებით უკანონოდ რა შემასყიდინეს. ამიტომ, ის სააკაშვილის მონები, რომლებიც აქ დგანან კარებთან და სააკაშვილის მონებად არიან ქცეულები, მე მათთან სალაპარაკო არაფერი  მაქვს",-განაცხადა შოშიაშვილმა.
მიხეილ სააკაშვილის ყვარლის სახლში "ნაციონალური მოძრაობის წევრები, ირმა ნადირაშვილი და გიორგი ღვინიაშვილი იმყოფებიან. ნადირაშვილის თქმით, საქართველოს ხელისუფლება პოლიტიკურ ოპონენტებზე თავდასხმისთვის შოუებს დგამს.
"ჩვენი ხელისუფლება სამარცხვინო,  რომელმაც დევნილად აქცია საქართველოს მესამე პრეზიდენტი, მიმართავს ასეთ გზებს პოლიტიკურ ოპონენტებზე თავდასხმისთვის და ამ შოუებს დგას იმის ნაცვლად, რომ მიხედოს ეკონომიკას, მათ ყოველთვის უნდათ, რომ გადაიტანონ ყურადღება სანახაობაზე",-განაცხადა ირმა ნადირაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი