„ჩვენ მოვითხოვთ მარიხუანის დეკრიმინალიზაციას. მისი მოხმარებისთვის ადამიანები სასჯელს არ უნდა იხდიდნენ“, - ამის შესახებ „თავისუფალი დემოკრატების“ ერთ-ერთმა ლიდერმა ალექსი პეტრიაშვილმა „ექსპრესნიუსს“ მთავრობის ადმინისტრაციასთან მიმდინარე საპროტესტო აქციაზე განუცხადა.

მისი თქმით, უნდა მოხდეს ლეგალიზაციის და დეკრიმინალიზაციის ერთმანეთისგან გამიჯვნა და განსხვავება.

„ჩვენ მოვითხოვთ მარიხუანის დეკრიმინალიზაციას. მოვითხოვთ, რომ მარიხუანის მოხმარებისთვის ადამიანები სასჯელს არ იხდიდნენ. ერთმანეთისგან უნდა გაიმიჯნოს ლეგალიზაცია, დეკრიმინალიზაცია და რეალიზაცია. უკანონო რეალიზაცია უნდა ისჯებოდეს უმკაცრესად, ხოლო მოხმარება არის ადამიანის ნება და ამისთვის ის არ უნდა ისჯებოდეს“, - განაცხადა ალექსი პეტრიაშვილმა.

ამასთან, პეტრიაშვილის თქმით, „თავისუფალი დემოკრატები“ მარიხუანის დეკრიმინალიზაციასთან დაკავშირებით კანონმდებლობაში შესატან ცვლილებებს მხარს უჭერენ.

„შესაბამისად ვითხოვთ, რომ კანონმდებლობაში შევიდეს ცვლილებები. ჩვენ „თავისუფალი დემოკრატები“ ვუერთდებით ამ საკანონმდებლო ცვლილებების მოთხოვნას. მივმართავთ სახელისუფლებო ძალას, მიიღონ ჰუმანური გადაწყვეტილება. ხელისუფლების პოლიტიკა ამ თვალსაზრისით კიდევ უნდა შეიცვალოს“, - აღნიშნა ალექსი პეტრიაშვილმა.

ამ წუთებში მარიხუანის დეკრიმინალიზაციის მოთხოვნით მთავრობის ადმინისტრაციასთან საპროტესტო აქცია ლოზუნგით „არ დაიჭირო“ იმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს