1 ივნისის 22:30 საათიდან სსსტც „დელტას“ სეტყვის საწინააღმდეგო სისტემის მართვის ცენტრმა კახეთის რეგიონში - ახმეტა, თელავი, ყვარელი, ლაგოდეხის რაიონების ტერიტორიაზე დააფიქსირა ჩამოყალიბების პროცესში მყოფი შიდამასიური ღრუბელი.  ფართობით 1000კმ2. ღრუბელი მოძრაობდა ჩრდილო აღმოსავლეთ მიმართულებით.

სეტყვის საწინააღმდეგო სისტემის მართვის ცენტრმა საჰაერო სივრცის ჩაკეტვის შემდეგ 23:18 საათიდან 23:52 საათამდე ღრუბლების მიმართულებით განახორციელა სეტყვის საწინააღმდეგო რაკეტების გასროლები, რის შემდეგაც ღრუბელთა სისტემა შესუსტდა და გადაინაცვლა კავკასიონის ქედის ჩრდილო-აღმოსავლეთ მიმართულებით.
2 ივნისის 00:50 სთ-ზე თბილისის მიმდებარედ განვითარდა და ახმეტისა და თელავის რაიონებში შემოვიდა მესამე-მეოთხე კატეგორიის (20 მმ სეტყვის მარცვალი, 300 კმ2 ფართობის) სეტყვის ღრუბელი.
01:05 საათიდან სეტყვის საწინააღმდეგო სისტემის მართვის ცენტრმა დაიწყო აღნიშნული ღრუბლების დამუშავება რაკეტებით. დამუშავება გაგრძელდა 02:42 საათამდე.
ღრუბლებზე აქტიური ზემოქმედების შემდეგ თელავის და ახმეტის რაიონებში  ღრუბლების უდიდესი ნაწილი მოსალოდნელი 15 მმ დიამეტრის მქონე სეტყვის ნაცვლად ჩამოიცალა წვიმის სახით, მცირე ნაწილი კი თელავი-რუისპირის მიმდებარედ და ყვარელი-ლაგოდეხის კავკასიონის ქედის კალთებზე უწვრილესი 3-5 მმ დიამეტრის სეტყვის სახით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი