ლიტერატურის კრიტიკოსი თამაზ წივწივაძე გარდაიცვალა

2018-07-12 22:10:07, 8016 ნახვა

კულტურა

ხანგრძლივი ავადმყოფობის შედეგად, 76 წლის ასაკში, მწერალი, კრიტიკოსი, პუბლიცისტი, გაზეთ „ლიტერატურული საქართველოს” მთავარი რედაქტორი – თამაზ წივწივაძე გარდაიცვალა.

თამაზ წივწივაძემ 1969 წლიდან დაიწყო ლიტერატურული მოღვაწეობა. კონიუნქტურული, მხატვრულად მდარე ლიტერატურისადმი შეურიგებელმა, იუმორითა და სარკაზმითაც გამძაფრებულმა წერილებმა მას თავიდანვე მკითხველის აღიარება მოუტანა. მისი წერილები სისტემატურად იბეჭდება ლიტერატურული პრესის ფურცლებზე. იგი თანამედროვე ქართულ მწერლობაში ამ ჟანრის გამორჩეული წარმომადგენელია.

1997 წლიდან თამაზ წივწივაძე საქართველოს მწერალთა კავშირის თავმჯდომარე (საქართველოს მწერალთა საერთო-ეროვნული შემოქმედებითი კავშირი – 2001 წლიდან) გახლდათ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები