მიმდინარე კვირაში პარლამენტის რიგგარეშე სესიის სხდომები გაიმართება, სადაც კანონპროექტს „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ და მისგან გამომდინარე საკანონმდებლო პაკეტს დაჩქარებული წესით განიხილავენ.

დეპუტატებმა კანონპროექტთა პაკეტის კომიტეტებში განხილვის გრაფიკზე იმსჯელეს.

ბიუროს გადაწყვეტილებით, რიგგარეშე სესიაზე კანონპროექტებს - „სისხლის სამართლის საპროცესო კოდექსში ცვლილების შეტანის შესახებ“, კანონპროექტთა პაკეტს - „საქართველოს წითელი ნუსხისა“ და „წითელი წიგნის“ შესახებ“ საქართველოს კანონში ცვლილების შეტანის თაობაზე განიხილავენ.

საქართველოს პარლამენტის თავმჯდომარის მოადგილის, ზვიად ძიძიგურის განცხადებით, 2 ივლისს, ტამიშთან გამართული ბრძოლიდან 25 წელი გავიდა.

„ეს არის საქართველოს უახლეს ისტორიაში ძალიან გმირული ბრძოლის დღე, ჩვენი ტერიტორიული მთლიანობისთვის მებრძოლი ვაჟკაცებისთვის გამორჩეული დღე“, - განაცხადა ზვიად ძიძიგურმა.

დაღუპული მებრძოლების ოჯახის წევრებს მიუსამძიმრა თავდაცვისა და უშიშროების კომიტეტის თავმჯდომარის მოადგილემ, კობა კობალაძემ.

„1993 წლის 2 ივლისი იყო დღე, როდესაც რუსეთის რეგულარული ჯარის ნაწილებმა, კონფედერანტებთან ერთად, განახორციელეს საზღვაო დესანტის გადმოსხმა ტამიშის მიმართულებით. 9-დღიანი ბრძოლების შედეგად, დაიღუპა ჩვენი ქვეყნის ერთიანობისთვის სამასამდე მებრძოლი, ამავე დროს, დიდი მსხვერპლი იყო მოწინააღმდეგის მხრიდან. მინდა მივუსამძიმრო იმ დაღუპული მებრძოლების ოჯახებს, მთელ ქვეყანას და იმედს ვიტოვებ, რომ აფხაზებთან და ოსებთან ერთად ჩვენ შევძლებთ ერთიანი, ძლიერი სახელმწიფოს ჩამოყალიბებას“, - განაცხადა კობა კობალაძემ.

დღესვე, დეპუტატებმა, საორგანიზაციო საკითხები განიხილეს.

პარლამენტის ბიუროს სხდომა ოთხშაბათს, 4 ივლისს, 11:45 საათზე გაიმართება.

ავტორი: ,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა