სტოლტენბერგი: ნატო-ში საქართველოს გაწევრიანების საკითხს გადაწყვეტს ალიანსის წევრი 29 ქვეყანა და რუსეთს ჩარევის უფლება არ აქვს

2018-06-27 15:45:08, 1118 ნახვა

პოლიტიკა

ჩრდილოატლანტიკური ალიანსის გენერალური მდივნის იენს სტოლტენბერგის განცხადებით, ალიანსი მხარს უჭერს საქართველოსა და უკრაინის მისწრაფებებს ნატოში ინტეგრაციის კუთხით.

როგორც სტოლტენბერგმა Deutsche Welle-სთან ინტერვიუში განაცხადა, ნატოში ახალი წევრების მიღების საკითხს ალიანსი თავად გადაწყვეტს და რუსეთს ამაზე გავლენა ვერ ექნება.

„ჩვენ მხარს ვუჭერთ საქართველოსა და უკრაინის ევროატლანტიკურ ინტეგრაციას, აქტიურად ვმუშაობთ საქართველოსთან რეფორმების კუთხით, ვთანამშრომლობთ უკრაინასთან. ნატოში ამ ქვეყნების გაწევრიანების საკითხს გადაწყვეტს ალიანსის წევრი 29 ქვეყანა და არავის აქვს ამ პროცესში ჩარევის უფლება. რუსეთი იყენებს შეიარაღებულ ძალებს მეზობელი ქვეყნების წინააღმდეგ. ჩვენ ეს ვნახეთ საქართველოსა და უკრაინაში. რუსეთს ჯარები ჰყავს მოლდოვაშიც. მიუღებელია, რუსეთი თავისი გავლენის სფეროებს აყალიბებდეს და წყვეტდეს, როგორ იმოქმედონ მეზობელმა ქვეყნებმა“, - აღნიშნა სტოლტენბერგმა.